Олдин хабар берганимиздек, куни кеча, аниқроғи 29 декабрь куни БААнинг Дубай шаҳрида 11 марта ўтказилаётган Globe Soccer Awards соврининг навбатдаги ғолиблари тақдирланишди. Кутилганидек йилнинг энг яхши футболчиси номинациясида 4 марта ва фаолиятида 6 бор Криштиану Роналду ғолиб бўлди.

Европа клублар ассоциацияси (ECA) ва Европа футбол агентлари ассоциацияси (EFAA) томонидан топшириладиган мазкур мукофотнинг барча номинациялардаги ғолиблари қуйидагилар бўлишди:

2019 йилнинг энг яхши футболчиси – Криштиану Роналду (“Ювентус”, Португалия);

Энг яхши мураббийи – Юрген Клопп (“Ливерпуль”, Германия);

Энг яхши дарвозабони – Алисон Бекер (“Ливерпуль”, Бразилия);

Энг яхши жамоаси – “Ливерпуль”;

Йил кашфиёти – Жоао Феликс (“Бенфика”/“Атлетико”, Португалия);

Энг яхши аёл футболчиси – Люси Бронз (“Лион”, Англия);

Энг яхши футболчиси (араб мамлакатлари) – Абдерраззоқ Ҳамдалла (“Ан-Наср”, С.Арабистони)

Энг яхши ёш футболчиси (араб мамлакати) – Ашраф Ҳакими (“Боруссия Д”, Марокаш)

Энг яхши футбол агенти – Жорже Мендеш (Португалия);

Энг яхши футбол академияси – “Аякс” ҳамда “Бенфика”;

Энг яхши ҳаками – Стефани Фраппар (Франция);

Энг яхши спорт директори – Андреа Берта (“Атлетико”, Италия);

Энг яхши жамоаси (араб мамлакатлари) – “Ал-Ҳилол” (С.Арабистони);

Футболга қўшган ҳиссаси учун махсус мукофот – Миралем Пьянич (“Ювентус”, Италия) ҳамда Райан Гиггз (Уэльс).

Энг яхши ҳомийлик келишуви – “Манчестер Сити” (Англия).