20 декабрь куни «Пахтакор» ва ЦСКА (Москва) клублари, собиқ иттифоқ термасининг собиқ дарвозабони Юрий Павлович Пшеничников вафот этди. У Тошкентда туғилиб, футбол билан шу ерда шуғулланишни бошлаганди. Шу муносабат билан уни таниган мухлису мутахассислар ўтмишнинг моҳир посбонини ёрқин хотиралар билан ёдга олишди. Ўзбекистонлик мутахассис Алишер Никимбаев «Телеграм»даги каналига бошқа юртдаги ҳамкасбларининг фикрларини жойлаб, уларга мос равишда муносабат билдирди.
Дастлаб россиялик таниқли шарҳловчи Василий Уткиннинг фикрлари билан танишсак: «Юрий Пшеничников. Етук дарвозабон, ЦСКА сафида собиқ иттифоқ чемпиони. У 79 ёшда эди. 10 йил аввал Юра Розанов унинг муаммоси борлиги ҳақида гапирганди: ёши ўтиб қолганига қарамай, Пшеничников болаларни шуғуллантиришда давом этаётганди, унинг тос суяги билан сон суягини боғловчи протези эскирганди. Бундай ҳолатда яшаш мумкин, аммо янгисини қўймай туриб машғулот ўтказолмасди. Ўшанда интернетдаги блогим орқали ўқувчиларга мурожаат қилгандим. Тез орада зарур суммани йиғиб бердинглар ва Юрий Палич тез орада операция қилинганди. У яна бир неча йил ишлади ва мана энди, вафот этди. Раҳмат сизларга, обуначилар! Сизнинг эътиборингиз сабаб Пшеничников яна бир неча йил болакайларга сабоқ берди. Уни асло унутмаймиз».
Василий Уткиннинг сўзларига шуни қўшимча қилмоқчиманки, фақат россиялик журналистлар учун Пшеничников ЦСКА дарвозабони ҳисобланади. Унутмаслик керакки, у «Пахтакор»да ҳам бундан ёмон ўйнамаган, собиқ иттифоқ термасига ҳам айнан Тошкент клубидан чорлов олган. Унинг дебюти 1966 йилнинг сентябрида бўлиб ўтган. Бир йилдан сўнг Пшеничников ЦСКАга борган. 1972 йили Тошкентга - биринчи лигага тушиб кетган собиқ жамоасига қайтиб, унинг яна олий дивизионга йўл олишига кўмаклашган.
Энди украиналик журналист Артём Франковнинг сўзларига эътибор қаратинг.
«Кўпинча «бизнинг футболчилар» деганда нимани назарда тутишларини тушунмайман. Уларнинг бизникилар эканини қайси критерияга асосан аниқлашади? Туғилган жойига қараладими ёки термамизда ўйнаганигами? Яқинда ажойиб дарвозабон Юрий Пшеничников оламдан ўтди. Уни ўзбекистонлик десак тўғрироқ бўлади, чунки 1940 йили Тошкентда туғилган, 1960-1967 йилларда маҳаллий «Пахтакор» клубида ўйнаган. 1968 йилда эса ЦСКА сафига ўтиб, чемпионатнинг энг яхши дарвозабони номини қўлга киритди. Москва «Динамо»сига қарши баҳсда қўлидан шикастланди, шифокорнинг нопрофессионал ҳаракати туфайли жароҳати ёмонлашиб, Мексикадаги ЖЧ-70ни ўтказиб юборди. Эътиборлиси, Пшеничников миллий жамоадаги биринчи ва охирги ўйинини собиқ Югославия термасига қарши ўтказди (2:1, 4:0). 1972 йили Юрий Павлович фаолиятидаги сўнгги мавсумини қадрдон «Пахтакор» клубида ўтказди. Умрининг қолган қисмида Пшеничников «дарвозабондан яхши бош мураббий чиқмайди» деган гапнинг нотўғрилигини исботлашга уринди. Экзотик мамлакатларга сафар уюштирди - Лаос, Мадагаскар, БААда ишлади... «Красная Пресня», «Асмарал» клубларидаги фаолияти қониқарли чиқмади, Ростовнинг СКА клубида ҳам иши қовушмади. Кейинчалик эса ўз амплуадошларининг изидан бориб, дарвозабонлар ва болакайларга сабоқ бериш билан шуғулланди...»
Артём Франковнинг сўзларини бежиз келтирмадим. Яқинда «Пахтакор»ни шарафлашга бағишланган тадбирда (ҳа, унда қатнашдим) жамоа фахрийларидан бири Пшеничниковнинг 1972 йили «Пахтакор»га қайтганига шубҳа билдирди.
Мана, Франков ҳам шу ҳақда ёзяпти. Юрий Павловичнинг тенгдошлари эса буни эслолмаяптилар. Ким ҳақ?
Мазкур ҳолатда энг яхши чора - архивни титкилаш. Шундагина Пшеничниковнинг 1972 йили «Пахтакор» либосида майдонга тушгани ойдинлашади. Унинг фаолиятидаги сўнгги ўйини ўша йилнинг 11 сентябрь куни собиқ Фрунзенинг «Олға» клубига қарши кечган. 35-дақиқада дарвозасидан тўп ўтказиб юборган Пшеничников орадан 5 дақиқа ўтиб, ўрнини бошқа киперга бўшатиб берган. Шундан сўнг у яшил майдонга қайтмади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20