Суперлига-2019 якунларига кўра, кучлилар сафида қолишни уддалаган «Бухоро» аввалги ҳафтадан эътиборан янги мавсумга тайёргарлик жараёнини бошлади. Мураббий масаласи аниқ бўлиб улгурган - Муҳсин Муҳаммадиев кейинги йил Бухорода рақобатбардош ва юқори ўринлар учун курашадиган жамоа тузиш ниятида. Ўтган вақт мобайнида кўрдикки, агар тожикистонлик мутахассисга шарт-шароитлар яратиб берилса ва албатта, вақт тақдим этилса, у нималарга қодирлигини исботлайди. Шунингдек, футболчилар ҳам юқори иштиёқда машғулотларга киришишди. Режага мувофиқ, жамоа Янги йил байрамига қадар Бухорода шуғулланди. Кейинги йиғин эса Тошкентда олиб борилади. Жамоа ичидаги ҳолат қандайлигини билиш мақсадида биз етакчи футболчилардан бири Сардор Сулаймоновга мурожаат қилдик.
Маълумот учун
Сардор СУЛАЙМОНОВ
Туғилган санаси ва манзили: 1994 йил 5 август, Бухоро шаҳри
Футбол билан 13 ёшидан шуғуллана бошлаган
Биринчи мураббийи: Сулаймон Раҳматов
Амплуаси: ҳужумчи
Ўйнаган жамоалари: «Бухоро» (Бухоро) - 2011-2014 йиллар, 2015-2016 йиллар; «Машъал-2» (Муборак) - 2015 йил; «Динамо» (Самарқанд) - 2017 йил;
«Навбаҳор» - 2018 йил; «Андижон» - 2019 йил; «Бухоро» - 2019 йил
- Сардор, аввалига илк йиғин ва машғулотлар ҳақида тўхталсангиз...
- Машғулотларга яхши кайфиятда киришдик. Ҳозирда барчанинг иштиёқи баланд. Ҳар ҳолда, якунланган мавсум кучлилар сафида қолиб, олдимизда турган мураккаб вазифани бажардик. Хуллас, қувноқ кайфиятда ишлаяпмиз, мураббий кўрсатмаларини имкон қадар адо этяпмиз. Ўз ўрнида бизни йил давомида чинакамига қўллаб-қувватлаб турган мухлисларимизга миннатдорчилик билдиришим керак. Эсланг, сўнгги турга қадар элитада қолиш учун курашдик, «Динамо»да ҳам худди шундай имконият мавжуд эди. Муҳими, якунда омад бизга кулиб боқди. Ҳозир асосан жисмоний ҳолатни яхшилаш устида ишлаяпмиз. Бинобарин, ўтган мавсум давомида катта куч йўқотдик. Шундай экан, аввалига тўлиқ тикланиб олиш зарур.
- Аслида «Андижон»да қолишингиз ҳам мумкин эди, лекин иккинчи даврада «Бухоро» сафига қўшилдингиз. Сабаби нима?
- Бу футбол. Унда сиз истамаган ҳолатлар ҳам бўлиб туради. Ўйлайманки, ўзим учун фойдали қарор қабул қилдим. Ўзи футболчининг тақдири шундай - бугун битта клубдасиз, эртага бошқасида. Ҳа, мавсум ўртасида жамоа алмаштириш ноқулай, бироқ футболчи баъзан шунга мажбур бўлади. Муҳими, «Бухоро»га ўтиб, адашмадик, мана, жамоанинг элитада қолишига озми-кўп ҳисса қўшдим. Асосийси шу. Қолаверса, «Бухоро» мен учун бегона эмас. Ҳар ҳолда, 2011-2014 йилларда ҳам шу клубда тўп сургандим. Шунинг учунми, жамоа ўйинига мослашишда унча қийналмадим.
- Умуман, шу вақтгача фаолиятингиз давомида қайси жамоадаги ҳаракатларингиздан кўнглингиз тўлган?
- Аслида футболчи ҳеч қачон ўз ўйинидан тўлиқ қаноатланмайди. Лекин менимча, «Динамо»да чакки таассурот қолдирганим йўқ. Футболда кўп нарса жамоавий ўйинга боғлиқ. Зеро, ҳеч ким ёлғиз ўзи натижа кўрсатолмайди. Дейлик, ҳужумчининг нечоғли кўп гол уриши жамоадошларининг узатмаларига бевосита боғлиқ.
- «Навбаҳор»да Илҳом Мўминжонов қўл остида ўйнагансиз. Намангандаги фаолиятингиздан қандай таассуротлар қолган?
- Яхши. «Навбаҳор»га айнан Илҳом Иброҳимович таклифи билан боргандим. Ўз ўрнида айтишим керак, Мўминжонов ёш бўлишига қарамай, анча кучли мутахассис. Дейлик, барча футболчилар билан яхши муносабат ўрнатади, машғулотларни ҳам ранг-баранг тарзда олиб боради.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20