Хабар берганимиздек, "Навбаҳор" футболчилари 10 январдан Наманганда ўқув-машғулот йиғинини бошлашади. Шу боис, футболчилар секин-аста жамоа ихтиёрига етиб келишмоқда.
Бугун эса “Навбаҳор” бош мураббийи Андрей Канчельскис Наманганга етиб келди.“Лочинлар” сардори Игорь Голбан эса жамоа ихтиёрига эртага етиб келади. Айтганча, “Навбаҳор”нинг 29 ёшли тажрибали ҳимоячиси Жаҳонгир Меҳмонов жамоани тарк этди. Ўтган мавсумда 19та ўйинда майдонга тушиб, 1594 дақиқа тўп тепган эди. “Навбаҳор” клуби футболчига жамоадаги фаолияти учун миннатдорчилик билдиради ва унинг кейинги фаолиятида омад ёр бўлишини тилайди, - деб ёзади клуб матбуот хизмати.
Эслатиб ўтамиз, бундан бир неча кун олдин "Сурхон" клуби Меҳмонов билан шартнома тузилганини расман эълон қилган эди, бироқ ўша кунинг ўзида футболчи Термиз клуби билан ҳеч қандай шартнома тузмаганини айтган эди.
***
Хабар берганимиздек, “Навбаҳор”нинг шу йилнинг 10 январидан бошланадиган ўқув-машғулот йиғинига маҳаллий футболчилардан ташқари, 10 нафардан ортиқ хорижлик ўйинчилар ҳам жалб этилишганини таъкидлагандик. Мазкур легионерларнинг сафига яна бир нафар хорижлик футболчи қўшиладиган бўлди.
Бу туркманистонлик Вахит Оразсахедов бўлиб, у 1992 йил 26 январда туғилган. Амплуаси – ҳужумчи. Оразсахедов футболчилик фаолияти давомида Россиянинг “Рубин” (Қозон), “Нефтехимик” (Нижнекамск), “Ростов” (Ростов), Молдованинг “Дачия” (Кишинёв), Туркиянинг “Осмонлиспор” (Анқара), Озарбайжоннинг “Сабаил” (Боку), Туркманистоннинг ЦСКА (Ашхобод), “Олтин аср” (Ашхобод) ҳамда “Ахал” (Ахал) клубларида тўп сурган.
Ўтган мавсумни эса Қирғизистоннинг “Дордой” (Бишкек) жамоасида ўтказиб, 28та ўйинда 20та гол уриб, Қирғизистон премьер-лигасининг энг яхши тўпурари бўлди. Таъкидлаш жоизки, Вахит Оразсахедов ўз пайтида Туркманистон ёшлар ва олимпия терма жамоаларида ўйнаган. 2016 йилдан буён Туркманистон миллий терма жамоасида тўп сурмоқда.
Эслатиб ўтамиз, Вахит Оразсахедовдан ташқари, “лочинлар”нинг йиғинига яна бир туркманистонлик футболчи, ҳимоячи Шуҳрат Суюнов ҳам қўшилади ва у ҳам миллий терма жамоа аъзоси ҳисобланади.
Демак, таъкидлаганимиздек, “Навбаҳор”нинг 10 январдан бошланадиган ўқув-машғулот йиғинида 30 нафарга яқин маҳаллий ҳамда 10 нафардан ортиқ хорижлик футболчилар кўрикдан ўтишади.
Легионерлар эса олдин хабар берганимиздек, Европанинг Россия, Нидерландия, Хорватия, Босния ва Герцоговина, Испания, Португалия ва Сербия, Африканинг Миср ҳамда Камерун, Осиёнинг Жанубий Корея ва Туркманистон мамлакатларидан ташриф буюришади.
***
Ҳозирча расман “Навбаҳор” билан хайрлашганлар:
* Славко Лукич
* Александр Касьян
* Шерзод Ҳакимов
* Жаҳонгир Меҳмонов
Ҳозирча расман “Навбаҳор”га келганлар:
* Ислом Рашидхонов
* Ислом Исоқжонов
* Хуршид Мухторов
Ҳозирча расман “Навбаҳор” билан шартномани узайтирганлар:
* Игорь Голбан
* Иван Соловьёв
Ҳозирча кўрикда бўлиб турганлар:
* Ҳолид Маҳмуд (Миср)
* Тоҳир Шамсиддинов
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20