Испания суперкубоги ярим финалининг илк ўйини бўлиб ўтди ва унда Мадриднинг «Реал» клуби «Валенсия»га қарши баҳс олиб бориб 1:3 ҳисобида ғалабага эришди. Кроос ҳисобни очган бўлса, Иско орадаги фарқни иккитага етказди. Кейин эса Модрич ҳисобни йирик кўринишга келтирганди, ўйин якунланиши арафасида «кўршапалаклар»да пенальти тепиш имконияти юзага келди ва Парехо зарбани хатосиз ижро этди.

Эслатиб ўтамиз, иккинчи ярим финал бугун оқшомда, «Барселона» ҳамда «Атлетико» ўртасида бўлиб ўтади. Мазкур ўйин ғолиби 12 январь куни финалда «Реал»га қарши ўйнайди.

ИСПАНИЯ СУПЕРКУБОГИ. ЯРИМ ФИНАЛ

«ВАЛЕНСИЯ» - «РЕАЛ» - 1:3 (0:2)

Жидда. «Қирол Абдуллоҳ» стадиони.

Голлар: Парехо 90+2 (пенальти) - Кроос 15, Иско 39, Модрич 65.

Валенсия: Хауме, Васс, Гарай, Паулиста, Гайя, Кондогбиа (Гомес 58), Ферран Торрес, Коклен (Собрино Посуэло 83), Парехо, Солер, Гамейро (Черышев 70).

Реал: Куртуа, Карвахаль, Варан, Рамос, Менди (Марсело 71), Вальверде, Каземиро, Кроос, Модрич (Хамес 77), Иско, Йович (Мариано Диас 83).

Огоҳлантиришлар: Каземиро 88.