Ер юзининг кўплаб мамлакатларида 1 апрель ҳазил куни сифатида нишонланади. Лекин Испанияда ҳазил-мутойиба учун бошқа кунни танлашган - 28 декабрни. Одамлар бу кунни турлича қарши олишади. Дейлик, Аликанте шаҳрида ҳамма ақлдан озади. Ҳазилкаш инсонлар алоҳида гуруҳ тузиб, йўловчилардан олдиндан белгилаб қўйилган миқдорда садақа қилишни сўрашади (сумма одатда 2 кун олдин шаҳар телеканалларида эълон қилинади). Агар кимдир пул беришдан бош тортса, тухумбўрон остида қолади ёки унинг устидан ун сочишади. Акция бошланиши билан шаҳар марказида чинакам тўс-тўполон юзага келади, яна катта жанглар уюштирилади. Испания футболи эса шу куни мухлисларни саросимага солишни хуш кўради...
*** Бу сафар «Реал Сосьедад» клуби ҳам ҳазил кунига ўзига хос совға тайёрлади. Сан-Себастьян клубининг ижтимоий тармоқлардаги расмий саҳифаларида ярим ҳимоячи Мартин Эдегорнинг «Манчестер Сити» сафига қўшилаётгани ҳақида хабар тарқалди. Бироқ Англия жамоаси сайтида бу ҳақда ҳеч нима ёзилгани йўқ. Қолаверса, Эдегор ҳуқуқий жиҳатдан «Реал Сосьедад»га эмас, балки «Реал»га тегишлидир.
*** Испания чемпионати учинчи дивизиони иштирокчиси «Пенья Депортива» эса «Твиттер» орқали камерунлик Самуэль Это~ О билан келишувга эришганини билдирди.
*** 2016 йили Мадрид шаҳар кенгаши ўзининг расмий сайтида «Атлетико» клубининг янги стадион қурилиши туфайли молиявий қийинчиликка дуч келиб, ночор аҳволда қолгани ҳақида ёзганди. Ўша хабарга «Реал» ва «Атлетико» клублари вакиллари битта стадиондан фойдаланиш масаласида келишиб олишгани қўшимча қилинган эди.
*** 2013 йили хайрия тадбири чоғида 8,2 балл шкаласига тенг ер қимирлаш хавфи борлиги ҳақида сирена чалинган. Ўша вақт «Атлетико» сафида ўйнаган дарвозабон Тибо Куртуа шу қадар ваҳимага тушганки, ҳеч кимга қарамай, залдан югуриб чиққан ва кейин барчаси ҳазил эканлигини тушунгач, қизариб-бўзариб кетган.
*** 2016 йили AS нашри «Барселона» ва «Реал» раҳбарияти крикет жамоалари тузишга қарор қилгани хусусида мақола ёзганди. Унга ҳаттоки, сохта лойиҳа ва Лионель Мессининг крикет билан шуғулланаётгани акс эттирилган фотошоп ҳам илова қилинган.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20