Хитой ва Ўзбекистон ўртасидаги ўйиндан кейинги матбуот анжуманида Любинко Друлович ўз фикрларини билдирди.

"Биз кўп вазиятларни қўлдан чиқардик. Шу сабабли биринчи гол жуда муҳим эди. Бозоров яхши ҳаракат қилди. Жамоамдан кўнглим тўлди. Хитой ҳам ёмон жамоа эмас экан. Эрон билан ўйиндан кейин тикланишимиз муҳим эди. Биз учун шу 3 очко ҳал қилувчи аҳамият касб этарди. Футболда эмоциялар катта роль ўйнайди. Биз уларни вақтида тия олдик. Вазифалар бажарилди. Эндиги мақсад Жанубий Корея билан ўйинга тайёргарлик.
Нурилло Тўхтасинов аслида асосий таркиб футболчиси, жуда кучли. Биз унга ишонамиз. Бу сафар эса Бозоровни синаб кўрдик. У мобилликда кучли. Катта ҳажмда иш бажарди ва чарчади. Иккаласидан кўнглим тўқ. Раҳмат ҳаммага", - дейди Любинко Друлович.

Дастлаб анжуманга ташриф буюрган хитойликлар мураббийи Хао Веи ташриф буюрди ва ўйин ҳақида ўз таассуротларини билдириб ўтганди.

“Бизнинг рақибимиз чиройли ўйин намойиш этди. Биринчи ўйиндан кейин таркибда йўқотиш бўлган эди. Асосий ҳужумчимизнинг жароҳат олгани бугунги ўйийнга ўз таъсирини ўтказмай қолмади. Бу ўйиндан кейин Олимпия йўлланмасини қўлдан бой бердик. Энди кураш Осиёнинг топ жамоалари ўртасида кечади. Бу мусобақа ўз устимизда ишлашимиз кераклигини кўрсатиб берди. Сўнгги сўзим сифатида бизни қўллаб келган мухлисларга ташшакур айтиб қоламан”, – деди Хао Веи.

***

Бироз аввал, Ўзбекистон ОТЖ Хитой вакиллари устидан ишончли тарзда зафар қучишди. Ж.Корея эса Эронни таслим қилиб, мусобақанинг кейинги босқичига йўл олган илк иштирокчига айланди.

Эрон – Ж.Корея 1:2
Хитой – Ўзбекистон 0:2

Гуруҳдаги вазият қуйидагича: 

Мазкур квартетдаги сўнгги тур ўйинлари 15 январда бўлиб ўтади ва иккала баҳс ҳам бир вақтда бошланади:

15:15, Ўзбекистон – Ж.Корея
15:15, Хитой – Эрон