Саудия Арабистонида Испания суперкубоги учун кечган мини-турнир «Реал» ғалабаси билан якун топди. Зайниддин Зидан шогирдлари финалда «Атлетико»ни пенальтилар серияси орқали маҳв этишди.

*** «Реал» барча турнирлар ҳисобидан мағлубиятсиз сериясини 16та ўйинга чўзди (10та ғалаба, 6та дуранг). Мадридликлар охирги марта ўтган йилнинг 19 октябрь куни Испания чемпионати доирасида «Мальорка»га ютқазишганди - 0:1. 16та ўйинга тенг мағлубиятсиз одим - бу «Реал»нинг 2017 йилдан кейинги энг узун серияси. Ўшанда мадридликлар айнан Зайниддин Зидан бошқарувида 2016 йил апрель - 2017 йил январь оралиғида нақ 40та ўйинда мағлубият нималигини билишмаганди.

*** Лионель Месси «Атлетико»га қарши 40-ўйинида 31-голини нишонлади. «Матрасчилар» бошқа бирор футболчидан бунчалик кўп гол қабул қилишмаган.

*** «Барселона» ярим ҳимоячиси Ансу Фати Испания суперкубоги тарихида майдонга тушган энг ёш футболчи бўлди (17 ёшу 70 кунлик).

*** «Атлетико» бош мураббийи Диего Симеоне 31-«Мадрид дербиси»да қатнашиб, бу борада жамоанинг собиқ устози Луис Арагонес (30та дерби)дан ўзиб кетди.

*** Зайниддин Зидан «Реал» бош мураббийи ролида 10-совринини ютди. Ваҳоланки, у мадридликларни жами 187та ўйинда майдонга бошлаб тушди. Демак, ўртача ҳисобда ҳар 19та ўйинига 1та соврин тўғри келмоқда. Қолаверса, Зидан клуб тарихидаги энг совриндор мураббий Мигель Муньос (14та соврин)га нисбатан яқинлашди.

*** «Барселона» етакчиси Лионель Месси «Атлетико»га қарши кечган ярим финал баҳсида 1та гол уриб, Испания суперкубоги тарихидаги энг яхши тўпурарлар рўйхати 1-ўрнидаги мавқеини янада мустаҳкамлади. Аргентиналик юлдуз ҳисобида суперкубок учун ўйинларда урилган 14та гол бор. 2-ўринда бораётган «Реал»нинг собиқ ҳужумчиси Рауль 7та голга эга.

1|2 финал

8 январь

ВАЛЕНСИЯ - РЕАЛ - 1:3 (0:2)

Жидда. KingAbdullahSportsCity стадиони. 40877 томошабин.

Бош ҳакам: Хесус Хиль Мансано (Испания).

Голлар: Парехо (90}2-пен.) - Кроос (15), Иско (39), Модрич (65).

Валенсия: Доменек, Гарай, Гайя, Габриэль Паулиста, Васс, Коклен (Собрино, 83), Кондогбиа (Макси Гомес, 58), Парехо, Солер, Ферран Торрес, Гамейро (Черишев, 70).

Реал: Куртуа, Рамос, Карвахаль, Менди (Марсело, 71), Варан, Модрич (Хамес Родригес, 77), Иско, Каземиро, Кроос, Вальверде, Йович (Мариано Диас, 83).

Огоҳлантириш: Каземиро (88, Р.).

9 январь

БАРСЕЛОНА - АТЛЕТИКО - 2:3 (0:0)

Жидда. KingAbdullahSportsCity стадиони. 58410 томошабин.

Бош ҳакам: Хосе Луис Гонсалес (Испания).

Голлар: Месси (51), Гризманн (62) - Коке (46), Мората (81-пен.),

Корреа (86).

Барселона: Нето, Юмтити, Альба, Пике, Сержи Роберто, де Йонг (Фати, 88), Видаль, Бускетс (Ракитич, 86), Гризманн, Месси, Суарес.

Атлетико: Облак, Лоди (Витоло, 67), Савич, Триппьер, Фелипе, Сауль, Эррера (Коке, 46; Льоренте, 72), Корреа, Томас, Жоау Фелиш, Мората.

Огоҳлантиришлар: Пике (31), Суарес (45), Видаль (77), Нето (80) - Томас (35), Савич (45), Фелипе (64), Льоренте (72).

Финал

12 январь

Реал - Атлетико - 0:0

Жидда. KingAbdullahSportsCity стадиони. 59053 томошабин.

Бош ҳакам: Хосе Санчес Мартинес (Испания).

Пенальтилар бўйича - 4:1

Реал: Куртуа, Карвахаль, Рамос, Менди, Варан, Иско (Родриго, 60),

Кроос (Винисиус Жуниор, 103), Каземиро, Вальверде, Модрич, Йович (Мариано Диас, 83).

Атлетико: Облак, Хименес (Савич, 98), Триппьер, Фелипе,

Лоди (Льоренте, 89), Эррера (Витоло, 56), Сауль, Корреа, Томас, Жоау Фелиш (Арьяс, 101), Мората.

Огоҳлантиришлар: Менди (90), Модрич (90), Вальверде (111), Карвахаль (115) - Фелипе (27), Томас (74), Адан (111, захира), Корреа (115), Савич (115).

Четлатиш: Вальверде (115, А.).

ПЕНАЛЬТИЛАР СЕРИЯСИ

Карвахаль (гол) - Сауль (ноаниқ) - 1:0

Родриго (гол) - Парти («сэйв») - 2:0

Модрич (гол) - Триппьер (гол) - 3:1

Рамос (гол) - 4:1