Олдин хабар берганимиздек, Ўзбекистон ўсмирлар терма жамоаси шу кунларда Тошкентда йиғин ўтказди. Бугун терма жамоамиз “Локомотив-2003”га қарши ўйин ўтказди ва шу билан пойтахт йиғинини якунлади. Учрашувда терма жамоамиз 2:1 ҳисобида ғалаба қозонди. Ўйинда ўсмирларимиз сафида голларни Сардор Хожибоев ҳамда Нодир Хабибуллаев киритди.

Шу билан терма жамоамиз йиғинга якун ясайди ва Минскка йўл олади.

Ўртоқлик ўйини

17 январь 2020, “Чиғатой” стадиони

“Локомотив-2003” – Ўзбекистон U-16 1:2

Голлар: Сардор Хожибоев (32), Нодир Хабибуллаев (70).

Ўзбекистон U-16: Бекнур Пармонов, Абдулазиз Тошкенбоев, Вазген Погосян, Мақсуд Аълохўжаев, Жаҳонгир Ўрозов, Асад Қаххоржонов, Нодир Абдураззоқов, Диёр Иномов, Сардор Хожибоев, Сарвар Баҳодиров, Облаёр Раҳматов.

Захирадан майдонга тушганлар: Асрор Кенжаев, Бехруз Маҳмудов, Азиз Тошпўлатхонов, Александр Зевадинов, Абдулазиз Файзуллаев, Муҳаммадали Ўринбоев, Данила Ни, Нодир Хабибуллаев, Риан Исломов.
***

Биласиз, жорий йилнинг сентябрь-октябрь ойларида Баҳрайнда U-16 Осиё чемпионати бўлиб ўтади.

Ўзбекистон ўсмирлар терма жамоаси мазкур мусобақага тайёргарлик доирасида бир қатор халқаро мусобақа ва ўртоқлик ўйинларида майдонга тушмоқда.

Азамат Абдураимов жамоаси бугун, 17 январь куни эрталаб “Локомотив-2003”га қарши ўйин билан Тошкентдаги йиғинни якунлайди ва Беларусга халқаро мусобақада иштирок этиш учун йўл олади. 19-25 январь кунлари оралиғида Беларусь пойтахти Минск шаҳрида 17 ёшгача бўлган футболчилар ўртасида халқаро мусобақа ўтказилади. Унда Исландия, Исроил, Грузия, Тожикистон, Беларусь, Бельгия, Финландия ҳамда Ўзбекистон ўсмирлар терма жамоалари ғолиблик учун баҳс олиб боришади.

Мусобақада қатнашадиган футболчилар рўйхати:

“А” гуруҳи: Беларусь, Финландия, Бельгия, Ўзбекистон.

1-тур

19 январь

Беларусь – Ўзбекистон

2-тур

21 январь

Бельгия – Ўзбекистон

3-тур

23 январь

Ўзбекистон – Финландия

25 январь

5-ўрин учун ўйин

3-ўрин учун ўйин

Финал

Мусобақанинг барча учрашувлари Минскдаги футбол манежида ўтказилади.