Осиё чемпионлар лигаси плей офф 2-саралаш босқичи доирасидаги «Бунёдкор» ҳамда «Ал-Завра» ўртасидаги учрашув ўз поёнига етди.

«ЖАР» стадионида кечган ўйин вакилларимизнинг йирик - 4:1 ҳисобидаги ғалабаси билан якунланди. Холмуҳаммедов пенальтидан ҳисобни очган бўлса, Ҳумоюн Муртазоев дубль қайд этди. Яна бир голга эса Бобур Фарҳодов муаллифлик қилди. Рақиблар сафида эса Аббос Қосим битта гол билан жавоб қайтарди.

Шундай қилиб, «қалдирғочлар» Осиё Чемпионлар лигасининг учинчи саралаш босқичига йўл олишди ва энди навбатдаги ўйинни БААда ўтказишади. Рақиб «Ал-Айн».

ОЧЛ. ПЛЕЙ-ОФФ. 2-БОСҚИЧ

«БУНЁДКОР» (Ўзбекистон) - «АЛ-ЗАВРА» (Ироқ) – 4:1 (1:0)

Тошкент. «JAR» стадиони. 594 томошабин.

Ҳакам: Юдаи Ямамото (Япония).

Голлар: Мурод Холмуҳаммедов (9-пен.), Ҳумоюн Муртазоев (46, 85), Бобур Фарҳодов (78) - Қосим (88).

Бунёдкор: Абдумавлон Абдулжалилов, Анвар Ғофуров, Мурод Холмуҳаммедов, Суҳроб Ярашев (Ғуломҳайдар Ғуломов, 75), Лутфулло Тўраев, Дилшод Аҳмадалиев, Сардор Абдураимов, Суҳроб Иззатов (Бобур Фарҳодов, 77), Жасур Жалолиддинов, Ҳумоюн Муртазоев, Селим Нурмурадов (Фаррух Икромов, 35).

Ал-Завра: Ҳачим, Қосим, Нзамбе (Жалол, 66), Жобир, Ҳуибиб (Маҳмуд, 83), Али, Комил, Фадил, Абдулраҳим, Окурукет, Жалил (Шван, 66).

Огоҳлантиришлар: Жасур Жалолиддинов (45), Суҳроб Иззатов (76), Дилшод Аҳмадалиев (86) – Нзамбе (7).