Топ даражадаги клуб совринлар ютиш баробарида даромад миқдорини ҳам унутмаслиги керак. Зеро, футболда фақат харажат қилган жамоанинг нимагадир эришиши мушкул. Тушунарлики, етакчи жамоаларда даромад ҳам чакки эмас. Бунинг омиллари кўп - ҳатамтой бой ҳомийлар, чипталар|атрибутлар сотуви улуши, ЧЛдаги иштирок ортидан келадиган мукофот пули, кўргазмали турнирлар ва ҳоказо. Тўғри, баъзи нисбатан камтарин жамоалар ҳам пул топишни билади. Яқинда Deloitte консалтинг компанияси Европа клубларининг мавсум-2018|2019даги даромадини ўз ичига олган ўз рейтингини эълон қилди. Унда қизиқарли фактлар жуда кўп...
*** Даромад бобида 1-ўринни тарихда илк марта «Барселона» эгаллади. Каталония супержамоасининг жами даромади - 840,8 миллион евро. «Барса» шунинг баробарида футбол тарихида 1та мавсумда 800 миллиондан кўп топган биринчи клуб бўлди.
*** Кучли учликда «Реал» ва «МЮ» бор. Бу икки клуб тегишлича 757 ва 711 миллион евро топди. Ҳаммаси оддий - «Реал» ва «МЮ» жаҳонда энг машҳур жамоалар саналади.
*** Россиянинг энг сердаромад клуби - «Зенит» умумий рўйхатда 28-ўринни банд этди. Питерликлар мавсум давомида 180,4 миллион евро топишган. Тўғри, бу кўрсаткичда 2та муҳим жиҳат бор: «Газпром»дек бақувват компаниянинг ҳомийлиги ва Леандро Паредеснинг «ПСЖ»га 40 миллион еврога сотилгани.
*** Рейтингнинг дастлабки 20талигига кирган клубларнинг ўтган мавсумдаги жами даромади 9,3 млрд. еврони ташкил қилди. Бу аввалги мавсум кўрсаткичи (8,3 млрд. евро)дан 11 фоиз кўпдир.
*** Дастлабки 20таликда АПЛ вакиллари кўп - 7та клуб. Эътиборлиси, улар қаторида «Вест Хэм» ва ҳаттоки, «Эвертон» ҳам бор.
*** ЧЛнинг амалдаги ғолиби - «Ливерпуль» даромад бобида атиги 7-ўринда. «Қизиллар» ҳозирча пул топиш масаласида «Барселона», «Реал», «МЮ», «Бавария», «ПСЖ» ва «Манчестер Сити»дан ортда қолишмоқда.
*** ЧЛнинг 4та ярим финалчисидан 3таси топ-рўйхатда — «Барселона», «Ливерпуль» ва «Тоттенхэм» (8-ўрин). «Аякс» эса гарчи Френки де Йонгни «Барселона»га ва Маттейс де Лигтни «Ювентус»га пуллаган бўлсада, 23-ўрин билан чекланди.
*** Диққатга сазовор яна бир далил: кучли 20таликда фақат Англия, Испания, Италия, Германия ва Франция жамоалари бор. Яъни Европанинг кучли 5та лигасидан ташқаридаги бирор клуб топ-20га киролмади.
Еврофутбол: мавсум-2018|2019нинг энг сердаромад клублари (топ-20)
1. «Барселона» - 840,8 млн. евро
2. «Реал» - 757,3 млн. евро
3. «МЮ» - 711,5 млн. евро
4. «Бавария» - 660,1 млн. евро
5. «ПСЖ» - 635,9 млн. евро
6. «Манчестер Сити» - 610,6 млн. евро
7. «Ливерпуль» - 604,7 млн. евро
8. «Тоттенхэм» - 521,1 млн. евро
9. «Челси» - 513,1 млн. евро
10. «Ювентус» - 459,7 млн. евро
11. «Арсенал» - 445,6 млн. евро
12. «Боруссия» Д. - 377,1 млн. евро
13. «Атлетико» - 367,6 млн. евро
14. «Интер» - 364,6 млн. евро
15. «Шальке» - 324,8 млн. евро
16. «Рома» - 231 млн. евро
17. «Лион» - 220,8 млн. евро
18. «Вест Хэм» - 216,4 млн. евро
19. «Эвертон» - 213 млн. евро
20. «Наполи» - 207,4 млн. евро
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20