«Навбаҳор» мураббийлари 10 нафардан ортиқ легионерни синовдан ўтказишлари ҳақидаги хабарларни ўқиб, тўғриси, жуда ҳайрон бўлдим.
Ахир бизда хорижликларга нисбатан қатъий лимит мавжуд. Қолаверса, «Навбаҳор» ихтиёрида леонерлар бор-ку. Энди савол - 1-2та бўш жойга 10 нафар (яна турли мамлакатлардан)дан кўп хорижлик чақириш шартми? Ундан кўра, «пичоққа илинадиган» 1-2 нафар савияли футболчи жалб этиш маъқул эмасми? Ҳа, мураббий номзодларни синаб кўриши керак, аммо у 10 нафардан ортиқ футболчига 1-2та машғулотда қандай тўғри баҳо бериши мумкин. Менимча, бу ҳам футболимиздаги ноқисликлардан биридир. Аслида трансферлар масаласида скаутинг хизмати ишлаши керак. Мураббий эса тавсия этилган футболчилар борасидаги маълумотлар асосида қарор чиқаради. Ахир дейлик, Африкадан Ўзбекистонга келган футболчи 1-2та кунда ўзини кўрсатолмайди-ку. Умуман олганда, клубларимиз легионерлар борасида сон эмас, сифатни биринчи ўринга қўйса яхши бўларди. Футболимиз ўлчови билан айтганда, биз учун сифат - бу  Драган Черан савиясидаги футболчилар...

--------------------------------------------------------------------

Ҳошимжон МАНСУРОВ (Чортоқ тумани).