Бразилиялик 18 ёшли ярим ҳимоячи Рейньер Жесуснинг орзуси амалга ошди: у Мадриднинг «Реал» клуби аъзосига айланди. Шу муносабат билан AS наш-ри мухбири Рио-де-Жанейрода ундан интервью олди. Қуйида мазкур суҳбатни эътиборингизга ҳавола этамиз.
- 2018 йилнинг мартида «Сантьяго Бернабеу» стадионига ташриф буюргандинг. Ўшанда вақти келиб, «Реал» таркибидан жой олишинг мумкинлиги борасида ҳеч ўйлаганмидинг?
- «Мадрид» сингари гигант клубда ўйнаш ҳар бир футболчининг орзуси. «Бернабеу»га ташриф буюрганимда, ҳаётим давомида ўз орзумни амалга ошириш имконияти юзага келишини хаёлимга ҳам келтирмагандим.
- «Мадрид»нинг сенга қизиқаётганлигини қаердан билдинг?
- Клублар ўртасидаги жаҳон чемпионатига борганимда хабар топдим. Ўшанда оила аъзоларим ва агентим мени йўқлаш учун отелга келиб, «Реал»нинг менга қизиқиш билдираётганлигини айтишганди. Бир вақтнинг ўзида бундан ҳам ажабландим, ҳам хурсанд бўлдим.
- Испанияда «Реал» футболчиларидан айримларининг Instagram саҳифасига аъзо бўлганлигинг тўғрисида хабарлар тарқалди. Бу ишни жамоа билан шартнома имзолашингни билганинг учун амалга оширганмидинг?
- Йўқ, бунинг «Реал»га ўтишимга ҳеч қандай дахли йўқ. Доимо турли жамоалардаги футболчиларнинг Instagram каналларига аъзо бўламан. «Реал» ва унинг таркибидаги ёрқин юлдузлар ўйинларини эса кузатиб бораман.
- Болалигингдан «Мадрид»га мухлислик қилишингнинг сабаби нимада?
- «Реал» - жаҳоннинг энг яхши клубларидан бири ва ушбу жамоа таркибида доимо ажойиб футболчилар тўп суришган. Дадам ҳамиша мени «Реал» иштирокидаги ўйинларни кўргани чақирарди. «Галактикос» давридан, яъни болалигимдан то ҳозирги кунгача «мадридчи»ман. Яқиндагина бугунги авлоднинг 4 марта Чемпионлар Лигасида зафар қучганига гувоҳ бўлдим.
- Испанияда қийин шароитларда ўсган ва футболчи бўлиш имконияти жуда кам бўлган бразилиялик футболчилар тўғрисида кўп гапиришади. Сенинг болалигинг қандай кечган?
- Ота-онам мен ва синглимни ҳеч нарсага зориқтирмай ўстиришган, биз учун барча нарсани муҳайё қилишган. Дадам мини-футбол бўйича Бразилия терма жамоаси таркибида жаҳон чемпионлигини қўлга киритган. Болалигимдан кўчада футбол ўйнашни бошлаганман. 11 ёшимда спортнинг ушбу тури билан профессионал тарзда шуғулланиш мақсадида Бразилиа шаҳридан Рио-де-Жанейрога кўчдим. Ўшанда онам ва синглим пойтахтда қолишганди. Профессионал футболчи бўлиш орзум амалга ошишига умид уйғонгач, улар ҳам Риога келишди.
- Кумиринг ким?
- Улар икки нафар - Зидан ва Кака.
- Бўлажак мураббийларинг - Рауль ва Зидан билан учрашганингда, бунга қандай муносабат билдирасан?
- Уларнинг иккиси ҳам ўз вақтида буюк футболчи бўлишган. Учрашув пайти ва машғулотларда қатнашсам, улардан ўрганган барча нарсаларимни майдонда татбиқ этишга ҳаракат қиламан.
- Ким билан кўпроқ тўп суришни хоҳлардинг?
- Карим Бензема ажойиб шерик бўлади, менимча. Унинг ўйини менга ёқади. Бенземанинг бошқа футболчилар билан ҳам муносабати аъло даражада.
- «Реал»даги дебютинг қандай юз беришини орзу қиласан?
- Дебют ўйинимдаёқ гол уриб, самарали узатмани амалга оширишни истайман. Айнан ушбу орзуни амалга ошириш мақсадида Мадридга келдим. Лекин буни уддалаш осон бўлмаслигини ҳам биламан.
- AS нашри орқали «мадридчилар»га ўз саломингни йўллашинг мумкин...
- Салом, «мадридчилар»! Мен Рейньерман ва ёшим 18да. Клуб тарихидан жой олиш ниятидаман. Жаҳоннинг энг яхши жамоаси футболкасига муносиб бўлиш учун барча имкониятимни ишга соламан. Менга ишонинглар. Hala Madrid!
А.ҲАМИДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20