Габон футболининг бош юлдузи Пьер-Эмерик Обамеянг Европада дабдабани ўрнига қўймоқда. Шубҳа йўқ, у бугунги еврофутболнинг энг ёрқин ҳужумчиларидан бири ва қимматбаҳо харидларга етадиган даражада кўп пул топмоқда. Габонлик голеадор майдонда тиним билмайди, унинг четида эса ҳашаматли ҳаётда мойил. Умуман олганда, Пьер-Эмерик ўз бойлиги, мол-мулкини кўз-кўз қилишни хуш кўрадиганлар тоифасидан. Дейлик, у яқинда «Арсенал»нинг «Шеффилд»га қарши ўйинини «Эмирейтс»да томошабин сифатида кузатди (дисквалификация туфайли четда қолганди) ва ўз-ўзидан кўпчилик эътиборини қимматбаҳо либосига қаратди.
***
Биринчидан, Пьер-Эмерик стадион ҳудудига ҳашаматли Lambe автосида келди. Иккинчидан, трибунада норкадан тикилган балахон (эркаклар халати)да ўтирди. Футболчи Louis Vuitton брендининг ушбу маҳсулотини «атиги» 21 минг еврога сотиб олибди. Умуман олганда, бутун Англияда Обамеянгнинг кийим-кечаги, автомобиллари ва қўл соатлари ҳақида тез-тез гапиришади.
***
Пьер-Эмерик баъзан жуда ғалати нарсалар харидига ҳам кўп пул сарфлайди. Мисол учун, у машҳур ҳайкалтарошларнинг доимий мижози ҳисобланади. Айниқса, олтиндан ясалган катта ўйинчоғи - пантерага меҳри баланд.
***
Ҳаммаси 2012 йили бошланган эди. Ўшанда 22 ёшли ҳужумчи Францияда камтарин «Сент-Этьен»да ўйнарди. Хуллас, габонлик йигитча Swarowski бриллиантлари билан безатилган бутсаси билан барчани ёқа ушлашга мажбур этганди. Тўғриси, ўша вақт Пьер-Эмерикнинг тўпурарлик бобидаги қаҳрамонликларидан кўра, «даҳшат»ли бутсаси кўпроқ муҳокама қи-линган бўлса керак.
***
Обамеянг «Арсенал»да йилига 11 млн. евро миқдорида маош олади. Қолаверса, турли ҳомийлик шартномалари ҳам бор. Унинг Лондон теварагидаги кошона мисоли уйининг баҳоси - 18 млн. фунт. Бу турар-жой ичида 7та ётоқхона, 6та ваннахона, 5та душ хонаси, 3та кийимхона ва ҳоказолар бор.
***
Футболчининг қимматбаҳо автопарки ҳар кимда енгил ҳавас уйғотиши мумкин. Диққат қилинг, 3та Porsche, 2та Lamborghini, 3та Ferrari, шунингдек, Range Rover ва тиллоранг Aston Martin Обамеянгнинг хизматига шай туради.
***
Обамеянг гоҳида инжиқликни ошириб юбориши ҳам ҳеч гап эмас. Хусусан, ўтган йили октябрь ойида Габон терма жамоаси билан бирга Жанубий Суданга боришдан (албатта, расмий ўйин учун) бош тортди. Аниқроқ айтсак, ўз фикрича, юқори савияли футболчиларга тўғри келмайдиган самолётда парвоз қилишни истамади. Тўғри, Габон миллий жамоаси унинг ўйинга бормаганини жароҳат билан изоҳлади. Яъни шу маънода расмий хабар берди.
***
Аслида Пьер-Эмерик ҳаётга теран қарайди. Дейлик, уни 2012 йили Қатарга чорлашган. Футболчи кўнганида, Осиёда бемалол ўйнаб, йилига 10 млн. евро миқдорида маош оларди. Бироқ у моддий манфаатни футбол фаолиятидан устун кўрмади - «Сент-Этьен»даги маоши атиги 800 минг евро бўлсада, Францияда қолди. Яна 1 йилдан кейин «Ньюкасл»нинг 4 миллионга тенг йиллик маошни ўз ичига олган таклифини ҳам рад этиб, «Боруссия» Д. клубига йўл олди. Ваҳоланки, Германия жамоаси йилига 3 миллион евро беришини маълум қилганди. 2017 йилга келиб, габонликни хитойликлар ўз юртларига чақиришди, албатта, катта маош воситасида - улар йилига 30 млн. евро беришга тайёр эдилар. Аммо Пьер-Эмерик шошилмади ва орадан кўп ўтмай, «Арсенал»нинг деярли 3 баравар паст таклифини қабул қилди. Хуллас, Обамеянг ҳамиша тўкин ҳаётни жойига қўйсада, спорт фаолиятини шубҳасиз, 1-ўринга қўяди, барибир.
СЎЗ
- Қандай бўлсам, шундай юришни ёқтираман. Бошқа одамлар мени тўғри қабул қилишадими ёки йўқ - бу аҳамиятсиз. Ахир ҳаёт инсонга бир марта берилади. Энг муҳими, қаердан келганингни унутмасанг, бас. Қолгани — сафсата. Пьер-Эмерик Обамеянг.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20