МОДРИЧ, КОВАЧИЧ, ОЛЬМО - БУЛАР ТОП-КЛУБЛАРГА ХОРВАТИЯНИНГ «ДИНАМО»СИДАН ЎТИШГАН АЙРИМ ЙИГИТЛАР. Хорватия пойтахти - Загреб шаҳри шарафини ҳимоя қиладиган «Динамо» клуби ҳақида нималарни биласиз? Гап деярли ҳар мавсум Чемпионлар Лигаси гуруҳ босқичида ўйнайдиган, баъзан ўта йирик ҳисобда ютқазадиган ва кўпинча квартетда охирги ўринни банд этадиган жамоа ҳақида бормоқда. Шу холосми? Йўқ, албатта. «Динамо» Зг. клубининг ўзига хос жиҳатлари ҳам бор. Қолаверса, загребликлар жорий мавсум бироз ўзгаришди. Яъни «Динамо» гуруҳ раунди охирига қадар «плей-офф»га чиқиш имкониятини сақлаб қолди. Тўғри, жамоа якунда 4-қатор билан чекланди, барибир, лекин энг муҳими, «динамочилар» футбол жамоатчилигида яхши таассурот уйғота олишди. Жумладан, етакчи ролида кўзга ташланган Дани Ольмо кўпчилик эътиборига тушди. Transfermarkt портали бежиз бу йигитнинг трансфер баҳосини 35 миллион еврога кўтармади. «Барселона»нинг 21 ёшли тарбияланувчиси хорват футболида жами 6 мавсум ўйнади. У ўтган йил охирида - декабрда Хорватиядаги фаолияти поёнига етаётганини маълум қилганди. Мана, Ольмо қишда бир қатор топ-клублар билан музокара олиб борди ва якунда «РБ Лейпциг»ни танлаб, 2024 йилгача мўлжалланган шартнома остига имзо чекди. Экспертларнинг таъкидлашларича, Ольмо яқин вақт ичида янги даражага кўтарилиш имкониятига эга. Йўқ, gol.ru сайтининг қуйидаги мақоласи Дани эмас, аксинча, «Динамо» Зг. томонидан еврофутбол марказига етказиб берилган ёрқин ўйинчилар ҳақида.

Transfermarkt порталига қараб, Хорватия клубининг охирги йилларда еврофутболга узлуксиз равишда ўйинчи етказиб бераётганидан қойил қоласиз. Қаранг, ҳар мавсум «Динамо»дан лоақал бир футболчи қайсидир топ-жамоа сафига қўшилмоқда. Муҳими, загребликлар бундай трансферларнинг ҳар бири ортидан камида 5 миллион евро олишяпти. Марҳамат, хорват жамоасининг охирги йилларда амалга оширган трансферлари билан (тескари тартибда) танишиб чиқиб, ўзингиз баҳо беринг:

Мавсум-2019|2020

Дани Ольмо - «РБ Лейцпиг». Сумма аниқ эмас (Marca нашрида ёзилишича, 30+5 млн. евро)

Мавсум-2018|2019

Филип Бенкович - «Лестер». Сумма - 14,5 млн. евро

Анте Чорич - «Рома». Сумма - 6 млн. евро

Борна Соса - «Штутгарт». Сумма - 6 млн. евро

Мавсум-2017|2018

Марко Рог - «Наполи». Сумма - 13,5 млн. евро

Мавсум-2016|2017

Марко Пьяца - «Ювентус». Сумма - 23 млн. евро

Йосип Брекало - «Вольфсбург». Сумма - 10 млн. евро

Марсело Брозович - «Интер». Сумма - 5 млн. евро

Мавсум-2015|2016

Йозо Шимунович - «Селтик». Сумма - 7,5 млн. евро

Мавсум-2014|2015

Ален Халилович - «Барселона». Сумма - 5 млн. евро

Мавсум-2013|2014

Тин Едвай - «Рома». Сумма - 5 млн. евро

Мавсум-2012|2013

Матео Ковачич - «Интер». Сумма - 11 млн. евро

Мавсум-2011|2012

Тенденция бузилган мавсум. Ўшанда «Динамо» камтарин трансферлар билан чекланган эди: Додо (300 минг евро эвазига) «Габала» ва Вила (120 минг евро эвазига) «ПАС Янина» сафига қўшилган. Қолаверса, айнан ўша мавсум Андрей Крамарич биринчи ижара муддатини ўтаган. Бироқ загребликлар унинг иқтидорига тўғри баҳо бермай, 2013 йили «Риека»га қўйиб юборишган. Крамарич кейинчалик шу клубдан «Лестер»га ўтди ва Хорватия миллий жамоасидан ҳам жой олди.

Мавсум-2011|2012дан олдинги трансферлар

Лука Модрич - «Тоттенхэм». Сумма - 21 млн. евро

Эдуардо - «Арсенал». Сумма - 13,5 млн. евро

Ведран Чорлука - «Манчестер Сити». Сумма - 13 млн. евро

Дарио Шимич - «Интер». Сумма - 11 млн. евро

Игорь Бискан - «Ливерпуль». Сумма - 8,25 млн. евро

Деян Ловрен - «Лион». Сумма - 8 млн. евро

Бошко Балабан - «Астон Вилла». Сумма - 7,8 млн. евро

Марио Манжукич - «Вольфсбург». Сумма - 7 млн. евро

Йерко Леко - «Динамо» К. Сумма - 5,5 млн. евро

Ивица Олич - ЦСКА. Сумма - 5 млн. евро