«Наполи» клуби бош мураббийи Женаро Гаттузо ЕЧЛ 1/8 финали доирасидаги «Барселона»га қарши ўйин олдидан ўз фикрларини билдириб ўтди.

«Барcелона»нинг Кике Сетьен келгандан кейинги ўйинларини таҳлил қилиб чиқдик: тўпни рақибдан олиб қўйиш учун уларга 6 сония керак кифоя қиляпти, Валверде билан эса бу жараён анча узоқ давом этарди.

Бундан ташқари, улар тўп билан муомала қилиш чоғида дарвозабондан худди бошқа позициядаги ўйинчидек фойдаланишмоқда, бу майдонда сон жиҳатдан устунликни таъминлаб беради. Хуллас, бизни жиддий рақиб кутяпти. Жуда қийин бўлади.

Сетьеннинг ишларини «Лас-Пальмас»ни бошқарган даврлардан буён кузатиб бораман. У замонавий футбол ғояларига эга инсон. Жамоаларининг пас билан ўйинлари ўзгач ва яхши ҳимояга эга. Кике ажойиб мураббий.

Мессини тўхтатиш? Йўқ. Уни тўхтатиб бўлмайди. Лекин «Барcелона» фақат Леодан иборат эмас. Улар улкан клуб. Шунинг учун мен Мессига қарши алоҳида «қўриқчи» қўйиш ниятида эмасман.

Месси кўп йиллар давомидаги энг яхши бўлиб келмоқда. У қилаётган ишларни ақл бовар қилмайди. Бу ишларни бошқалар фақат PlayStation`да такрорлай олишлари мумкин» - дейди Гаттузо.