«Барселона» ярим ҳимоячиси Иван Ракитич яқинда Bleacher Report нашрига интервью бериб, футбол тарихидаги энг яхши ўйинчи ким эканлиги, қайси ҳамкасби билан ёнма-ён тўп суриш истаги борлиги, энг яхши ҳимоячи ва энг кулгили футболчи ҳақида гапирди.
- Месси билан бирга тўп суриш - кишига ўзгача ҳиссиёт бағишлайди, - дейди Ракитич. - Эҳтимол, у сўнгги 15 йилликдаги энг яхши футболчи бўлиши мумкин. Ўзимга қолса, уни барча даврларнинг энг кучли ўйинчиси деб ҳисоблайман. Такрорлайман, у билан бир жамоада ўйнаш бошқача, барибир.
- Неймарнинг «Барса»га қайтишини хоҳлайсизми?
- Бу футболчининг ўзим тўп сураётган жамоада ўйнашини хоҳлашимга мутлақо шубҳа йўқ. Неймар ўзи учун нима маъқулроқ эканини аниқлаб олиши лозим. Чунки у менинг яқин дўстим, уни шодон кўришни истайман. Неймар бахтиёр бўлганида, дунёнинг энг яхши футболчиларидан бирига айланади.
- Бирор маротаба бўлсада, Роналду билан бирга тўп суришни ният қилганмисиз?
- Албатта. Ахир у ҳам миллионлар ўйинининг етук вакилларидан бири. Криштианунинг ўйинларини томоша қилиш ҳаммага ёқади, унинг «Ювентус»да нималар қилаётганини ўзингиз ҳам кўриб турибсиз.
- Сизнингча, етарли даражада баҳоланмаган футболчи ким?
- Бундайлар кўп. Масалан, Жозе Моуриньога худди шу мавзуда савол беришганида, менинг номимни айтган ва у ҳақ эди (кулади). Умуман олганда эса, мен учун Миралем Пьянич шундай футболчи ҳисобланади.
- Сиз билан бирга тўп сурган энг кулгили ўйинчи?
- Дани Алвес.
- Энг яхши кўрган футболчингиз?
- Роберт Просинечки.
- Қайси рэперлар ижодини ёқтирасиз?
- Эминем ва Никки Жем. Уларнинг фаолиятини кузатиб, чиндан ҳам юксак истеъдод соҳиблари эканликларига амин бўлганман.
- Ўтган мавсум Чемпионлар Лигасида «Ливерпул»га имконият бой берилганда, қандай аҳволга тушгансиз?
- Чин маънода оғир бўлган, бу юракларни тилкалайдиган ҳолат эди. Биз «Ливерпул»ни ҳурмат қилишимиз лозим, қолаверса, бу футбол, унда сўнгги дақиқаларгача курашиш шарт.
- Севимли стадионингиз? «Камп Ноу»дан ташқари, албатта.
- «Севилья»нинг уй стадиони.
- Сиз билан бирга тўп сурган энг яхши дарвозабон ким?
- Жаҳоннинг энг яхши киперларидан бири - Марк-Андре Тер Штеген билан бир жамоада ўйнаётганимдан бахтиёрман. Шунингдек, Мануэль Нойерни ҳам алоҳида эътироф этишим мумкин.
- Наздингиздаги энг кучли ҳимоячи?
- Жерар Пике. У билан ёнма-ён тўп суриб, сўнгги 10 йилликдаги энг яхши ҳимоячи эканлигига амин бўламан.
- Месси ижросида амалга оширилган энг чиройли голни аниқлай оласизми?
- «Хетафе» дарвозасига урилгани. Шунингдек, Испания кубоги финалида Бильбаонинг «Атлетик» клубига ҳам чиройли гол «совға» қилганди. Аслида, бундай голлар кўп. Улар орасидан қайсидир бирини ажратиб кўрсатиш мушкул.
- Агар танлаш ҳуқуқи берилса, қайси мусобақадаги ғолибликни маъқул топардингиз: Евро-2020 ёки Чемпионлар Лигаси?
- Қитъа биринчилигида бош совринни қўлга киритмоқчиман, чунки ЧЛда ғолиб чиқиб бўлганман. Энди Еврода Хорватия термаси сафида муваффақият қозонмоқчиман.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20