Таниқли мутахассис Алишер Никимбаев одатдагидек, «Телеграм»даги «Футболиум» канали орқали Осиё футболига доир долзарб маълумотларни тақдим этмоқда.
* * *
- ОФК Тартиб-интизом қўмитаси қарори эълон қилинди. Умумий ҳисобда 30та масала кўриб чиқилди. Улардан бири Ўзбекистонга тааллуқли. Ёшлар термаси вакили Одил Абдумажидов ОЧ саралаш босқичи доирасида Саудия Арабистони жамоасига қарши кечган баҳсда олган қизил карточкаси сабаб, 2 ой (24 февралдан 23 апрелгача)га дисквалификация қилиниб, 2000 доллар миқдорида жаримага тортилди. Мазкур дисквалификация футбол билан шуғулланишни чекламаслигини тушуниш лозим. Абдумажидов шу муддат ичида ўйинларда қатнашмайди, холос.
Шунингдек, Лаос термасининг икки футболчиси келишилган ўйин (Гонконг - Лаос, 2017 йил 5 октябрь) ташкил этганликда айбланиб, умрбод дисквалификация қилинди. Ушбу жамоанинг яна бир ўйинчиси ноқонуний учрашувга алоқадорлиги исботлангунга қадар вақтинча четлаштирилди. Бундан ташқари, Чемпионлар Лигаси-2019га нотўғри лицензия берилгани туфайли Эрон футбол федерациясига 120 минг доллар миқдорида жарима белгиланди. Демак, қоида ва регламентни бузиб, жазосиз қолиш мумкин эмаслигини барча тушуниши лозим.
* * *
- ОФК сайтининг хабарига кўра, Эрон клублари иштирокидаги барча учрашувлар кейинроқ муддатга қолдирилди. Шунингдек, ОФК мавжуд вазиятни ўрганиш мақсадида тезкор йиғилиш чақирди. Аниқроғи, бундай йиғилиш икки марта ўтказилади: 2 мартдагиси Шарқий Осиё вакилларига тегишли, 7-8 мартга белгиланганида эса «Ғарб» минтақаси вакиллари қатнашишади ва у катта эҳтимолки, БААда ташкил этилади. Ўз навбатида, ОФК ва ФИФА март ойига белгиланган ЖЧ-2022 саралаш ўйинлари масаласини ҳам кўриб чиқмоқда.
* * *
- ОФК Осиё Чемпионлар Лигаси «Ғарб» минтақаси 3-тур ўйинларини тўлиқ бошқа муддатга қолдирди. Улар орасида «Ал-Ҳилол» - «Пахтакор» қарама-қаршилиги ҳам бор. Гарчи «Шаржа» Дохага етиб боришга улгурган бўлсада, унинг «Ал-Дуҳайл»га қарши ўйини ҳам ўтказилмайди. «Шарқ»да эса фақат 2та ўйин қолдирилмади.
* * *
- Осиё футболида коронавирусдан яна бир жабрдийда топилди - ОФК Конгресси. 16 апрель куни Малайзияда ўтказилиши режалаштирилган тадбир кейинроқ муддатга қолдирилди. Қизиғи, бу Конгресс сайлов вазифасини ўташи лозим эди. Шу сабабли ОФК анжуман қолдирилгани билан тасдиқланган номзодлар рўйхати ўзгармаслигини алоҳида таъкидлади. Яъни сайловлар санаси ўзгариши янги номзодларни тақдим этиш имкониятини бермайди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20