Москвалик Александра Пономарёва «Афсоналар кубоги» финалидаги ҳакамлик иши билан халқаро можаро келтириб чиқарди. Ҳа, Россия пойтахтида ҳисоб бўйича 12-марта ташкиллаштирилган «Афсоналар кубоги» финали жанжал билан тугади. Россиялик аёл рефери Александра Пономарёва томонидан чиқарилган қарорлар профессионал спортда кўпни кўрган фахрийларни шунчаки, издан чиқарди, улар ўз эҳтиросларини жиловлай олишмади. championat.com сайтининг қуйидаги мақоласи айни шу можаро ҳақида...
«Афсоналар кубоги»да ўзи нима бўлди?
Турнир финалида Россия ва Юлдузлар терма жамоалари ўзаро тўқнаш келди. Мезбонлар аввалги 11та турнирнинг барчасида зафар қучишганди, бироқ бу сафар уларга ўз унвонларини ҳимоя қилиш насиб этгани йўқ. Иккинчи бўлимда, ҳисоб 4:4 бўлиб турган паллада бош ҳакам Пономарёва исроиллик Йосси Бенаюнга қарши ишлатилган қўполликка эътибор қаратмади. Натижада футболчи жиддий оҳангда эътироз билдирди, Александра эса бунинг учун унга қизил карточка кўрсатди. Юлдузлар термаси шунга қарамай, дуранг натижани анчагача сақлаб қолди. Яна бир вазиятда Александра Россия термаси вакилига нисбатан қоида бузилганини қайд этгач, меҳмонлар қайта «жунбуш»га келиб, ҳакамни ҳақорат қила бошлашди. Оқибатда Пономарёва қаттиққўлликни ўрнига қўйиб, Йон-Арне Риисени ҳам майдондан четлаштирди. Нега айнан норвегияликни? Шунисини ҳеч ким тушунмади. Кейин Риисе жамоадошлари билан вазиятни муҳокама қилдию, мухлислар олқиши остида ўз жамоасини майдондан олиб чиқиб кетди. Чамаси 10 дақиқадан сўнг юлдузлар термаси майдонга қайтди. Эътиборлиси, бу вақтда Бенаюн ва Риисега кўрсатилган қизил карточка бекор қилинди, аниқроғи, «сариқ» билан алмаштирилди. Энг ғалати ҳолат эса охирида кузатилди. Ўйин вақти тугаши билан меҳмонлар ғалабани нишонлашга тушдилар, чунки ҳисоб 5:6га ўзгарган эди. Бироқ сирена чалинмади ва Егор Титов жамоасининг 6-голини урди. Бу вақтда Стипе Плетикоша дарвозада ҳам эмасди. Шу тариқа ҳакам билан яна баҳс-мунозара бошланди ва у 15 дақиқага чўзилди. Юлдузлар термаси табиийки, пенальтилар сериясидан бош тортди ва ҳаттоки, ғалабани россияликларга беришга рози бўлди ҳам. Охир-оқибат, ташкилотчилар Титов голини бекор қилишни лозим топишди. Мухлислар эса «Афсоналар кубоги»нинг янги ғолибларини чинакамига олқишладилар.
Александра Пономарёва ҳақида нималар маълум?
Александра Москвада туғилган. 29 ёшли аёл ФИФА ҳаками мақомига эга. У жумладан, аёллар ўртасидаги Европа Чемпионлар Лигаси ва термалар миқёсидаги халқаро турнирлар ўйинларини бошқарган. Асосийси, Пономарёвада эркаклар футболида ишлаш тажрибаси ҳам бор. У Россия учинчи дивизиони, РПЛ ёшлар биринчилиги ва ФНЛ кубогида ҳакамлик қилган. Яна Миллий талабалар футбол лигасида ҳам. Александра ўз интервьюсида ҳакамликка қандай ўтгани ҳақида гапириб берган эди: «Спортга муҳаббатим жуда кучли. Фаолиятим эса баскетбол билан бошланган. Бу спорт турида профессионал даражада ўйнаганман, спорт устаси номзоди бўлганман. Баскетболдан кетгач, ҳаваскорлар футболни танладим. Бир сафар ўйин рефериси таклифига кўра, ўзимни ҳакам сифатида синаб кўрдим. Бу иш ёқиб қолди. Маълум вақт ўтгач, ўша ҳакам билан оила қурдик. Мана, 8 йилдан буён биргамиз, ўғлимиз бор. Қисқаси, ҳакамликда нимага эришган бўлсам, барчасида турмуш ўртоғимнинг ҳиссаси катта. Нега эркаклар футболида ишлаяпман? Футболда жинс йўқ - бу ўйин. Ўйинга эса ҳакам ҳам керак». Пономарёва профессионал ҳакамлик билан шуғулланаётганига қарамай, баскетболни ҳам унутган эмас. Дарвоқе, Александра шахсий сайтида ўзини баскетбол мураббийи сифатида таништирган. У яна Химки шаҳри жисмоний тарбия ўқитувчилари раҳбари ҳам.
Муносабат қандай?
- Яхши ўйин бўлди. Ҳар ҳолда, мухлислар 11та гол кўришди. Бундай турнирда, боз устига, финал баҳсида қизил карточка кўрсатиш шарт эмас, шунчаки, оғзаки равишда огоҳлантириш кифоя қилади. Майдондан чиқиб кетгач, нега қайта тушдик? Чунки тўлиқ таркибда ўйнашимизга имкон беришди. Яъни Бенаюн ва Риисега ноҳақ кўрсатилган қизил карточкалар бекор қилинди. Ҳеч ким хафа эмас, ҳаммаси жойида. Бу футбол. Аёл ҳакам билан муроса қилиш қийин бўлди. Шоу мақомидаги ўйинни бундай бошқариш мумкин эмас. У ҳали тажриба тўплаши керак, - деди учрашувдан сўнг Юлдузлар терма жамоаси сафида майдонга тушган хорватиялик Ивица Олич.
«Афсоналар кубоги»-2020. Финал
Россия - Юлдузлар термаси - 5:6
Голлар: Аленичев (13), Головской (15),
Колодин (18, 19, 36) - Галлас (6), Савиола (12), Заккардо (14), Олич (17, 40), Воронин (31).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20