«Аякс», сенга нима бўлди?
МАВСУМ-2018|2019 КАШФИЁТИ ИККИ ОЙ ИЧИДА 2та ЕВРОКУБОКДАН ТУШИБ КЕТДИ. Ҳа, «Аякс» қаламига мансуб «Амстердам эртаги» бир мавсумдан иккинчисига чўзилмади. Нидерландия гранди аввалги мавсум ЕЧЛ «плей-офф» раундида «Реал» ва «Ювентус»дек рақибларни четга суриб, ўз майдонида «Тоттенхэм»га драматик тарзда ютқазиши оқибатида финалга чиқолмаганди. Энди эса «Аякс» қисқа вақтда ҳар икки еврокубок турниридан чиқиб кетишга улгурди.
** «Аякс» жорий мавсум бошидаёқ ўз мухлисларини анча асабийлаштирди. Яъни амстердамликлар ЧЛ саралаш босқичида аввалига ПАОК билан баҳсларда 2:2 ва 3:2 ҳисобини қайд этишди, кейин камтарин АПОЭЛ дарвозасига атиги 2та гол уришди. Хуллас, ЧЛнинг амалдаги ярим финалчиси гуруҳ раундига чиқишда фанатлари қалбига ғулғула солди.
** «Аякс» ЧЛ гуруҳ босқичини ишончли тарзда бошлади - «Лилль» ва «Валенсия»ни бир хил ҳисобда енгди (3:0). Аммо жамоа якунда «плей-офф»га чиқолмади.
** Амстердамликлар ЕЛнинг биринчи «плей-офф» раундидаёқ «Хетафе»га бас келолмадилар.
** Жамоа Нидерландия чемпионати доирасидаги 24та ўйинда 65та гол урди (ўртача ҳисобда 1та учрашувда 2,7та), аммо 1-ўринни АЗ билан бўлишиб турибди.
** «Хетафе»га қарши кечган ЕЛ 1|16 финали жавоб баҳсида «Аякс» таркибида атиги 3 нафар 23 ёшдан катта футболчи майдонга тушди - Райан Бабел, Душан Тадич, Андре Онана. Сержиньо Дест (19 ёш), Пер Схюрс (20 ёш), Карел Эйтинг (22 ёш), Райан Гравенберх (17 ёш) - булар «Аякс»да энди-энди ўйнай бошлашди. Хуллас, ўз етакчиларини сотган «Аякс» ёшларнинг янги «партия»сини тайёрлашни бошлаган кўринади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20