Ўтган ҳафта «Уотфорд» «Ливерпул»нинг таъзирини берди (3:0). Иккинчи бўлимда Исмоила Сарр «дубль» расмийлаштирди, учинчи гол Трой Дини ҳисобига ёзилди. Айнан шу вазиятда «Уотфорд» маскоти майдонга чиқиб, жамоа етакчиси билан муваффақиятни бирга нишонлади. Унинг исми - «Қовоғари Гарри». Унинг футболчилар билан қучоқлашиб тургани тасвирланган фотосуратлар ижтимоий тармоқларда тарқалиб, кенг муҳокамага сабаб бўлди.
2015 йили ҳам шунга ўхшаш ҳолат кузатилган, «Уотфорд» 3:0 ҳисобида зафар қучаётганди: ўйин бошида Натан Аке ҳисобни очган бўлса, кейинроқ Одион Игало «дубль» муаллифига айланганди. Ҳозир «МЮ» шарафини ҳимоя қилаётган ҳужумчи ўшанда иккинчи голини тиззаси билан ерда сирғаниб, кўрсаткич бармоқларини юқорига кўтарган ҳолда нишонлаганди. Маскот эса майдонга тушиб, Игалонинг ҳаракатларини биргаликда такрорлаганди.
Умуман олганда, «Қовоғари Гарри» медиамайдонда тез-тез кўриниш беради. 2016 йили «Кристал Пэлас»нинг собиқ бош мураббийи Сэм Эллардайс «Уотфорд» маскоти Уилфрид Заханинг йиқилишини такроран намойиш этганидан норози эканлигини билдирганди. Кейинчалик жамоага Рой Хожсон келди ва у ҳам «Уотфорд» рамзининг ҳаракатларини маъқулламади: «Агарда «Кристал Пэлас» тимсоли худди шундай ҳаракатлар қилиб, оломонни рақибга қарши провокация қилса, бундан жуда ранжиган бўлардим. Мабодо, шундай ҳолат кузатилишидан хабар топсам, дарҳол тўхтатардим».
Заха эса ўша ҳолатга ижтимоий тармоқдаги саҳифаси орқали суратли муносабат билдирди: унда ҳакамлар гуруҳининг турли баллар ёзилган «табличка»ларни кўтариб туришгани тасвирланганди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20