Уэйн Руни ва «МЮ» ўртасидаги қарама-қаршилик ўз йўлига, Англия кубоги 1|8 финал раунди бош қаҳрамони ролида Тим Крул гавдаланди. Зеро, «Норвич»нинг нидерландиялик дарвозабони «Тоттенхэм»га қарши ўйиндан кейинги пенальтилар сериясида 2та дуэлни ўз фойдасига ҳал қилиб, камтарин жамоасига кейинги босқич йўлини очди. Унга бунда сув солинган идиш - антиқа шпаргалка ёрдам берди...
Суратларда яққол кўриниб турибди - сув идишига «Тоттенхэм» футболчилари фамилиялари ёзилган. Қисқаси, идиш юзасида 11 метрли жарима нуқтасидан ким одатда тўпни қайси томонга тепиши хусусидаги маълумотлар «яширинган». Жумладан, рўйхатда ўша куни Крулни «алдолмаган» Трой Пэррот ва Жедсон Фернандеш ҳам бор. Инсоф юзасидан айтиш керак, «шпорлар» учун ҳал қилувчи пенальтини тепган Фернандешнинг зарбаси жуда ўхшовсиз чиқди. Яъни португалиялик футболчи тўпни ўта секин йўналтириб, пенальтини шунчаки, «Норвич» киперига туҳфа қилди. Крул эса «сейв»дан кейин дарҳол ўрнидан сакраб турди ва бутун майдон бўйлаб югуриб, « Норвич» мухлислари жойлашган трибунага яқин борди: «Менга ғалаба сурури билан чопиш 3-марта насиб этди - ЖЧ-2014да Коста-Рика термасига қарши баҳсда ва Нидерландия кубоги ярим финалида ҳам шундай бўлганди».
Ҳа, 31 ёшли голкипернинг ўзига хос ташриф қоғозчаси бор - пенальти кушандаси. Мисол учун, у Бразилия мундиали чорак финалида Коста-Рика термасига қарши кечган баҳсда пенальтилар серияси бошланишига оз муддат қолганида, захирадан майдонга тушиб, 2та зарбани бартараф этган ва яна 2тасида тўп йўналишини топганди. «Тоттенхэм» билан ўйинда қўлланган ғалати шпаргалкага келсак, бу Крул билан шуғулланувчи дарвозабонлар мураббийи Эд Вуттен ғояси экан.
Сўз
- Сув идишидаги маълумотларнинг кўпи тўғри чиқди, аммо ҳаммаси эмас. Дейлик, Эрик Ламела бугун ўз одатига қарши ўлароқ, тўпни бошқа тарафга тепди, яхшики, дарвоза устунини нишонга олди. Умуман, рақибнинг 11 метрли зарбасини ўрганиш - машаққатли иш. Сув идишидаги ёзувлар - бу Эд Вуттен томонидан берилган уй вазифаси эди... Тим Крул («Норвич» дарвозабони).
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20