Италия клублари коронавирус балоси ортидан катта миқдорда пул йўқотмоқда: ўйинларнинг томошабинларсиз ўтиши туфайли 12 млн. евро (ойига) ва маош учун бекорга яна 10-20 «лимон». Италия чемпионати ва клубларига боғлиқ молиявий маълумотларни ўрганишга ихтисослашган Calcio e Finanza портали март ойига белгиланган ўйинларнинг мухлисларсиз ўтишидан клублар қанча зарар кўришини алоҳида ҳисоблаб чиқди (сайт ҳисоботи Италия ҳукумати мамлакатдаги барча спорт мусобақаларини вақтинча тўхтатиб қўйиш ҳақида қарор чиқаришидан олдин эълон қилинган эди).
Маълум бўлишича, агар март ойига белгиланган учрашувлар мухлисларсиз ўтказилганида энг катта зарар «Ювентус» чекига тушарди. Рақамларда айтсак, «А» серияда ўйнаётган 20та клубнинг жами камомадининг ярмидан камроғи - 43 фоизи «бечора» «Ювентус»га тўғри келарди. Бу - 12,3 миллион еврога тенг йўқотиш! Яна 3та клубнинг зарари «лимон» ҳисобида: «Милан» - 3,45 млн. евро, «Интер» - 2,79 млн. евро, «Рома» - 2,39 млн. евро. Қолган жамоалар миллион евродан камроқ йўқотарди. Умумий ҳисобда «А» серия иштирокчилари нақ 28,5 миллион евродан қуруқ қоларди.
Ҳа, ўйинлар апрель ойига қолдирилди, лекин йўқотишлар бор, барибир. Зеро, 8-9 март кунлари бўлиб ўтган 26-тур баҳсларига мухлислар қўйилмади. Мисол учун, «Ювентус» - «Интер» ўйини мезбонларга нақ 4 миллион евро келтириши мумкин эди, шунингдек, «Милан» ўз майдонида «Женоа»га қарши кечган учрашув орқали 1 миллион евродан кўпроқ топиш имкониятини йўқотди. Мутахассислар айниқса, «Ювентус» - «Наполи» ва «Ювентус» - «Милан» ўйинларига алоҳида эътибор қаратишди. Бу учрашувларда стадионга кирган ҳар бир мухлис Турин клуби ғазнасига тегишлича 78 ва 82 евро «тўкарди» (қолаверса, бунда VIP-мижозлар улуши ҳисобга олинмаган). «Ювентус» - «Интер» учрашувида ҳар бир мухлис ташрифидан 86 евро қолиши кутилганди (ҳар ҳолда, ўта ўйин муҳим эди). VIP-мижозлардан тушадиган даромад миқдори ўтган йилги ЧЛ учрашуви («Ювентус» - «Атлетико»)дан чиқарилди. Шу тариқа ҳар бир мухлис ортидан келадиган ўртача фойда миқдори 100 еврога баҳоланди. «Милан» ва «Женоа» ўйинига боғлиқ ўртача даромад миқдори эса, «россонерлар»нинг жорий мавсумдаги одатий учрашувлари («Интер» ва «Наполи»га қарши кечган баҳслар бундан мустасно, зеро, буларга қизиқиш даражаси бошқача ва фойда ҳам шунга яраша анча юқори)га қараб чиқарилди.
Қолаверса, клублар ой давомида футболчиларга шартнома бўйича маош тўлашга мажбур. Дейлик, «Ювентус»нинг бу борада йиллик харажати 294 миллион еврога тенг. Демак, бир ойга чамаси 24,5 «лимон» кетади. Бошқа жамоаларда маош тўлови нисбатан кам, чунки уларнинг таркибида Криштиану Роналдудек катта ҳақ олувчи футболчи йўқ. Жумладан, «Интер» футболчиларнинг маош бўйича талабларини қондириш йўлида йилига 139 миллион, ойига чамаси 11,5 млн. евро сарфлайди. Шунингдек, «Ювентус» ва «Интер»дан ташқари, «Рома», «Милан» ҳамда «Наполи»да ҳам умумий маош миқдори 100 миллион евродан кўп.
А.АҲМЕДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20