Афсуски, коронавирус пандемияси барча соҳалар қатори футболга ҳам жиддий таъсир кўрсатмоқда. Миллионлар ўйинига алоқадор кўпчилик ушбу балодан азият чекмоқда.
*** «Реал»нинг собиқ президенти Лоренсо Санс 76 ёшида коронавирусдан вафот этди. У 17 март куни шифохонага ётқизилганди.
*** Sina Sport хабарига кўра, айни пайт Хитойнинг «Шандон Луненг» клубида тўп сураётган «МЮ»нинг собиқ ярим ҳимоячиси Маруан Феллайни ҳам коронавирусга чалинди. Бельгиялик футболчи айни пайт шифохонада даволанмоқда.
*** «Милан» тизимида ишлаётган ота-бола - Паоло ва Даниель Мальдини ҳам COVID-19 инфекциясини юқтириб олишди. Клуб расмий сайтида таъкидланишича, дастлаб Паолода касаллик аломатлари аниқланган. Кейинчалик таҳлил натижалари «Милан» афсонаси ва унинг 18 ёшли ўғлида инфекция борлигини тасдиқлаган.
*** Италия «А» сериясидаги футболчилар орасида коронавирусга чалинганлар орасида «Ювентус» вакили Пауло Дибала ҳам бор. «Қаллиғим - Ориана билан тест топширгандик, афсуски, натижалар ижобий чиқди. Лекин ўзимизни яхши ҳис қиляпмиз», - деб ёзди Дибала «Инстаграм»даги саҳифасида. Маълумот учун, Дибаладан олдин «Юве»да Блез Матюиди ва Даниэле Ругани ҳам вирусдан зарарлангандилар.
*** «Айнтрахт» матбуот хизмати «Твиттер»даги саҳифасида иккинчи футболчининг коронавирусга чалинганини маълум қилди. Унинг номи ошкор қилинмади.
*** «Эспаньол» ярим ҳимоячиси Ву Лэйнинг коронавирус бўйича топширган таҳлили ижобий натижа берди. Каталония клуби аввалги сешанба куни 6 нафар футболчида хасталик аниқланганини маълум қилган, аммо беморлар шахсини ошкор этмаганди. Sport.es нашрининг аниқлашича, вирус юқтирганлардан бири - Ву Лэй. У коронавирусга чалинган хитойлик илк футболчи бўлди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20