«Интер»да Жозе Моуриньо ёрдамчиси сифатида ишлаган Жозе Мораишнинг айтишича, Милан клуби вице-президенти Хавьер Занетти «Барселона» етакчиси Лионель Мессининг «нерадзурралар» сафида тўп суришга кўндиришга қодир экан. «Менимча, бу имконсиз иш эмас. «Интер»да Занеттидек кучли қуроли бор. Аргентиналиклар ҳамиша бир-бирларига яқинлар. Ишончим комил, агар занетти хоҳласа, Мессини Италияда ўйнашга кўндира олади. Умуман олганда, аргентиналик футболчи учун «Интер»га ўтиш - бу худди уйга қайтишдек гап. Менда шундай таассурот борки, «Интер» айнан Занетти туфайли аргентиналикларни ўзгача қабул қиладиган жамоадир. Ҳар ҳолда, «нерадзурралар» сафига қўшилган барча аргентиналиклар буюк ҳисобланишади ва клубга наф келтира олишган», — деди Мораиш El Mundo Deportivo нашрига берган интервьюсида.

- Лионель Месси мавсум-2019/2020да «Барселона» сафида барча турнирлар ҳисобидан 31 марта майдонга тушиб, 24та гол ва 16та самарали узатма муаллифига айланди. Унинг каталония гранди билан шартномаси 2021 йилнинг ёзигача мўлжалланган.