Беларуснинг «Энергетик-БГУ» клубида чакки ўйнамаётган ҳамюртимиз Жасур Яхшибоев «Прессбол» газетасига берган интервьюсида Минскдан тўғри еврофутбол марказига йўл олишни исташини баён этди. Эслатма, Жасурнинг трансфер ҳуқуқи ҳамон «Пахтакор»га тегишли ва у Беларусь биринчилигида ижара келишуви асосида тўп сурмоқда.
- «Энергетик» сени «Пахтакор»дан ижара шартномаси асосида таклиф қилди. Мабодо клуб сени Тошкентга қайтармоқчи эмасми?
- Ҳозирча бу борада гап-сўз йўқ. Умуман олганда, ўзим ҳам Минскдан Европага кетишни хоҳлайман. Боз устига, «Пахтакор» бош мураббийи Шота Арвеладзе билан ўртамизда тушунмовчилик бор. Ўйинлардан бирида у мени захирага олгач, бундан жаҳлим чиқиб, қўл узатмагандим. Ҳаммаси шундан бошланди. Захирада қола бошладим, майдонга тушсам ҳам, атиги 10-15 дақиқа ўйнардим. Бу вақтда нимага улгуриш мумкин? Шу тариқа тўпни ҳис қилиш ва ўйин маромини унутдим - спорт формасини йўқотдим. Ҳаттоки, тўпга эга чиқсам, нима қилишни билмай қоладиган даражага тушдим. Ўйиним тобора сустлашиб борди. Ҳаракатинг ўхшаган тақдирда ҳам кейинги учрашувда барибир, захирада қолишингни билишинг сени руҳан эзиб қўяди. Ҳозир «Энергетик»да ҳаммаси бошқача. Мураббийлар менга ишонишмоқда. Жамоага кераклигим ва наф бера олишимни ҳис қилиб турибман. Муҳими, менга бежиз умид боғламаётганларини исботлашга иштиёқим баланд, - деди Беларусь чемпионати 8-туридан кейин 6та гол билан тўпурарлар пойгасида пешқадамлардан бири бўлиб турган Жасур Яхшибоев.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20