2012 йилги мавсумда «Металлург» ўз мавқеини бир йил олдингига қараганда икки поғонага бўшаштирди. Бироқ кучли ўнталикдан чиқиб кетмади. Жамоада эса баъзи жузъий ўзгаришлар бўлди. Хусусан, мураббийлар штабига Микола Шевченко келиб қўшилди ва бош мураббийга ёрдамчи этиб тайинланди. Евгений Борисович эса ўринбосарлар таркибида Абдуқаҳҳор Марифалиев ва Февзи Давлетовларга кўмаклашди.

2012 йилги чемпионтада барча учрашувларда майдонга тушган футболчи бу Шаҳзодбек Нурматов бўлди. У шунингдек, жамоа тўпурарлари рўйхатида ҳам етакчилардан бирига айланди. Шаҳзоднинг аниқ зарбаларидан сўнг рақиб посбонлари 8 марта ўз дарвозалари тўридан тўп олиб чиқишди. Жамоада энг тўп киритган футболчи эса одатдагидек, Зоҳид Абдуллаев бўлди. Зоҳид рақиблар дарвозасини 9 марта ишғол этди.

Жамоа эса 26 учрашувнинг 8 тасида ғалаба қозонган бўлса, 4 та учрашувда дуранг ўйнади, 14 учрашувда имконият бой берилди. 28 очко жамғарган «Металлург» мавсумни 10-поғонада якунлади.

«Металлург» клуби матбуот хизмати