«Манчестер Сити» дарвозабони Эдерсон ҳозир Бразилия термаси эмас, Португалия миллий жамоасида ўйнаши ҳеч гап эмасди, Альфонсо Дэвис эса Либерия ёки Гана байроғи остида майдонга тушиш имкониятига эга эди. Умуман, футбол оламида миллий жамоа танлаш бобида турли вариантларга рўбарў бўлган ажойиб ижрочилар сафи анча кенг. Бугун soccer.ru сайти маълумотлари асосида шундай мураккаб танловга юз тутган баъзи дарвозабонлар ва ҳимоячиларга тўхталамиз. Ярим ҳимоячилар ва ҳужумчилар ҳақида эса газетамизнинг кейинги сонларида ўқишингиз мумкин.
ДАРВОЗАБОНЛАР Эдерсон (Бразилия)
Вариант - Португалия термаси
Эдерсон 15 ёшидаёқ Португалияга йўл олган. У шундан 9 йил ўтиб, 24 ёшида Бразилия миллий жамоасида дебют қилди. Португаллар бу орада иқтидорли киперни маҳаллийлаштиришни ўйлашди. Зеро, уларда бу борада етарли тажриба бор (энг ёрқин мисоллар - Деку ва Пепе). Бироқ мамлакат футболи мутасаддилари бу имкониятни қўлдан чиқаришди.
Ян Облак (Словения)
Вариантлар - Сербия ҳамда Босния Герцеговина термалари
Ян Облакнинг онаси - Стоянка Майкич босниялик серблар оиласидан. Демакки, «Атлетико» дарвозабони Болқон ҳудудидаги бошқа терма жамоани ҳам танлаши мумкин эди. Хусусан, Қатар-2022 мундиалига йўлланма олган Сербия термасига бу даражадаги дарвозабон ортиқчалик қилмасди. Ҳар ҳолда, Драган Стойкович жамоасида ажойиб ижрочилар етарли, фақат дарвозада юлдуз мақомидаги ўйинчи йўқ.
Эдуар Менди (Сенегал)
Вариантлар - Франция ҳамда Гвинея-Бисау термалари
«Челси»нинг ЧЛ-2020|2021да ғалаба қозонишига катта ҳисса қўшган Эдуар Менди байналминал оиладан: онаси сенегаллик, отаси Гвинея-бисаулик. Эдуар 2016 йили ҳаттоки, отаси ҳурмати Гвинея-Бисау термаси ихтиёрига борди, бироқ кейинчалик негадир Сенегал байроғи остида ўйнашни маъқул кўрди. Франция вариантига келсак, ҳаммаси оддий: Эдуар Нормандияда туғилган ва ҳуқуқий жиҳатдан шу мамлакат фуқаросидир.
ҲИМОЯЧИЛАР
Ашраф Ҳакими (Марокаш)
Вариант - Испания термаси
Мадридда туғилган Ашраф «Реал» мактабида таҳсил олди. У ҳозирги ўйини билан Испания терма жамоаси бошланғич таркибига бемалол даъвогарлик қиларди. Бироқ Ҳакими 5 йил олдин ваъда берганди - «Халқаро даражада аждодларим юрти - Марокаш учун ўйнайман».
Маркиньос (Бразилия)
Вариант - Португалия термаси
Маркиньос «ПСЖ» сафига қўшилганидан кейин Португалия терма жамоаси таклифини мамнуният билан қабул қилиши ҳақида гапирди. Буни эшитган бразилияликлар дарҳол керакли реакция билдириб, иқтидорли ҳимоячини уйга чорлашди. Акс ҳолда, Маркиньос бир неча йиллардан буён Португалия миллий жамоаси ҳимоясида таянч ролини бажараётган бразилиялик Пепе ортидан бориши ҳеч гап эмасди.
Калиду Кулибали (Сенегал)
Вариант - Франция термаси
«Наполи»да юлдуз даражасига кўтарилган Калиду Кулибали ҳам Ҳакими каби аждодлари юрти фойдасига қарор чиқарди. Ваҳоланки, у Франция шимоли-шарқида туғилган ва футболга шу мамлакатда қадам ташлаган.
Эмерик Ляпорт (Испания)
Вариант - Франция термаси
Нақ 3 йил давомида сайёрамизнинг энг қимматбаҳо ҳимоячиси мақомида юрган футболчи. Эмерик «Манчестер Сити» сафига қўшилганидан сўнг маълум вақт Франция миллий жамоасидан таклиф кутди, бироқ якунда халқаро аренада Испания номидан ўйнашга розилик берди. Аслида аженлик баск йигити олдинроқ бу вариантни бутунлай инкор этганди.
Люка ва Тео Эрнандес (Франция)
Вариант - Испания термаси
Ака-ука Эрнандеслар - Мадрид «Атлетико»си тарбияланувчилари. Испанияда Люкага ҳам, Теога ҳам миллий жамоанинг бўлажак аъзолари сифатида қарашди. Бироқ амалда ҳар иккиси Франция термасида ўйнашни маъқул кўрди.
Альфонсо Дэвис (Канада)
Вариантлар - Либерия ҳамда Гана термалари
«Бавария» сафида ЧЛда ғалаба нашидасини сурган канадалик биринчи футболчи. Асли либериялик Альфонсо Гана ҳудудидаги қочоқлар лагерида туғилган. Шундай экан, Дэвис «қора юлдузлар» ёки футболга Жорж Веани тортиқ этган либерияликлар либосини эгнига олиши мумкин эди. Лекин у хоккей ватанининг футбол жамоасини танлади. Ахир Альфонсо айнан Канадада улғайди, айнан шу юртда футбол таълимини олди.
Ферлан Менди (Франция)
Вариант - Сенегал термаси
Эдуар Мендининг қариндоши Ферлан ҳам Сенегал термасини танлаш имкониятига эга эди. Бироқ у Франция футболи шарафини ҳимоя қилиш қарорида тўхтади. Эҳтимолки, бунда катта совринларга эришиш имконияти баландлигини инобатга олгандир...
Р.ИБРОҲИМОВ тайёрлади
WORLD PLAYER (THE BEST) СОВРИНИ ТАРИХИ. ФИФА томонидан ҳар йили махсус гала-оқшомда дунёнинг энг яхши футболчисига топшириладиган мазкур совриннинг илк лауреати - Лотар Маттеус. Германиялик собиқ футболчи 1991 йили эътироф этилганди. Хуллас, ФИФА расмий сайти World Player мукофотининг 30 йиллик юбилейи шарафига уни 30та статистик рақам билан сайқаллади.
2021 йил «Аякс»нинг 25 ёшли дарвозабони Андре Онана учун энг қийин давр бўлди. Февраль ойи бошида қонида 40 миллиграмм фуросемид борлиги аниқлангани сабаб 12 ойлик дисквалификацияга учради.
Дэниэл Леви - юксак лавозимга «вақтинча» тайинланган, лекин 20 йилдан бери ўрнини бўшатишни хаёлига ҳам келтирмаётган ўзбошимча президент. Агар унинг сўзларига ишонадиган бўлсак, ҳеч қачон «шпорлар» ҳукмдори бўлишни орзу қилган эмас. Клуб 2001 йилда ENIC тасарруфига ўтганида, у ижрочи директор лавозимини эгаллаган ва тажрибали президентни топиш топшириғини олганди.
Англия термаси Қатар мундиали йўлланмасини нақд қилгач, Гарет Саутгейт бор эътиборини финал босқичига йўл оладиган таркибга қаратмоқда.
Forbes талқини бўйича айтсак, Криштиану Роналду дунё миқёсида 2021 йилнинг энг сердаромад футболчисига айланди. Айтиш жоиз, бундан олдин 3 йил давомида Лионель Месси 1-ўринда қайд этилганди.
Англия клублари бу сафарги Boxing Day куни уй ўйинларига мўлжалланган асосий футболкадан воз кечиб, захира либосларида майдонга тушишга тайёр эди. Аммо АПЛ раҳбарияти уйсизларни қўллаб-қувватлашга қаратилган ушбу акцияга қарши чиқди. Нега?
Испания чемпионатида яна бир Стоичков гол урмоқда. Йўқ, бу футболчи «Барселона» ҳаётида ёрқин из қолдирган болгариялик ўша машҳур Христо Стоичковга қандайдир қариндошлик риштаси билан боғланган эмас.
Transfermarkt портали барча миллий чемпионатлар футболчиларининг трансфер баҳосини янгилаб чиқди. Жумладан, Молдова элит дивизионида ўйнаган|ўйнаётганларга янги сумма қўйилди.
Сўнгги ойларда ишлар кўпайиб кетди ва «Телеграм» канални юритишга улгурмадим. Афсуски, сукунатни бузишга арзигулик қайғули сабаб топилди: Николай Ширшовнинг кутилмаган вафоти юракларни парчалади. У нафақат ёрқин, балки ишончли ўйин кўрсатган футболчилардан бири эди. Қолаверса, майдон ташқарисида шу қадар идеал эдики, суҳбатнинг дастлабки дақиқаларидан одамни ўзига тортарди...
Жаҳон футболи юлдузларининг трансфер бозоридаги нархи уларнинг майдондаги кўрсатаётган ўйинига қараб, тез-тез ўзгариб туриши миллионлар ўйини ишқибозлари учун жуда бир оламшумул янгилик ҳисобланмайди.
«Тоттенхэм» ва «Ливерпуль» клубларининг собиқ ҳимоячиси Стивен Колкернинг фаолиятида нуқул қизиқарли воқеалар учраб туради. Мисол учун, у Англия термасидаги ягона ўйинида Ибрагимовичнинг 25 метр узоқликдан чалқанча услубда урган голини кўрган.
Чехиялик бу футболчи хусусида қизғин баҳс-мунозаралар кети узилаётгани йўқ. Кимдир унинг энг ёрқин мавсумни ўтказаётганини эътироф этса, бошқа биров ҳамон ҳужумчини «бефойда тўнка»га қиёслайди. Қайси томон ҳақ ёки ноҳақ эканлиги юзасидан баҳслашиш ноўрин.
«Барселона»нинг катта топилмаси ва энг катта умиди - Гавида битта нўноқлиги бор - у бутсаси боғичини мустақил тартибга сололмайди. Футболчи кўпинча майдонда боғичи ечилган бутсада чопади. Гоҳида ёш йигитчага бу масалада жамоадошлари ёрдам беришади. Ҳа, ғалати, шундай иқтидорли ўсмир пойафзалини тўғрилай олмаса-я...
Хорватияда футболчи пенальтини амалга ошириш учун «нуқта»га оҳиста қадам ташлаб борди ва озгина тин олиб, тўпга зарба берди. Ҳакам эса буни ортиқча олифталик сифатида баҳолаб, уни майдондан четлаштирди.
Футбол - мухлислар учун, албатта! Лекин мухлисликнинг ҳам ўзига яраша одобию, қоидалари ва чегараси бор. «Навбаҳор» кўп йиллар давомида айнан мухлислар талабига мувофиқ, тезкор натижа таъминлаш учун турли йўлларни амалда синаб кўрди.
Францияда декабрнинг иккинчи ҳафтаси мамлакатнинг U-16 термаси йиғини билан ҳам аҳамиятли бўлди. Клерфонтендаги элит тоифали академияда Жан-Люк Ваннуки бошчилидаги 35 нафар ўсмир тўпланишди.
«Унион»нинг ўзига хослиги шундаки, клубда ҳеч ким ўзини беназир деб ҳисобламайди. Бошқалар ўзгарди. «Унион» эса йўқ. Натижа кўрсатиб турибдики, Бундеслиганинг энг митти клубларидан бири нафақат ўз маданиятини сақлаб қолди, балки уни ривожлантирди ҳам. FootballHD.ru пуллардан воз кечган метин жамоа ҳақида сўз юритади.
Яқинда Криштиану Роналду фаолиятидаги 800та голли маррадан ўтди. Сўнгги саккиз йилдан буён португалиялик юлдуз голларини ўзига хос услубда нишонлаб келмоқда - катта тезлик олади, юқорига сакрайди, ҳавода айланади ва баланд овозда «Siii» (испанчада - «Ҳааа!») деб ҳайқиради.
Аргентиналик машҳур ҳимоячи Николас Отаменди деярли 1,5 йилдан буён «Бенфика» шарафини ҳимоя қилмоқда. Португалия футболи ва турмуш тарзи унга нотаниш эмас - 2010-2014 йиллар оралиғида «бургутлар»нинг асосий рақиби - «Порту»да ўйнаганди. Николас яқинда бу мамлакатдаги ҳаётида энг ёқимсиз ҳолатга юз тутди: 5 нафар босқинчи унинг Лиссабондаги уйида «меҳмон» бўлди...