Элдор Шомуродов яна гол урди. У бу сафар Россия ПЛ 1-турида «Ростов»нинг ғалабасига муносиб ҳисса қўшди. Мухлислар қувончи чексиз. Элдорнинг тўпурарлик қобилияти янада сайқалланаётганидан ҳамма хурсанд.
Ўтган ҳафтада футбол оламини ҳайратдан ёқа ушлашга мажбур этган тарихий ғалабага 15 йил бўлди. Асримизнинг энг ажабтовур финали, 2004 йилнинг 4, июль оқшомида Лиссабонда бўлиб ўтган Португалия-Греция (0:1) учрашувида Отто Рехагель бош меъмор, Ангелос Харистеас эса асосий ижрочи ролларини адо этишганди.
Топ-клублар мавсум тайёргарлигини ҳали бошлаб улгурмасларидан, еврокубоклар саралаши старт олди. Ҳатто квалификациянинг қуйи бўғинларида ҳам муносиб клублар учрамоқда. «Кардифф Метрополитен Юниверсити» ҳаваскорлар жамоаси шулар жумласидан. Ҳа, номининг ўзидан кўриниб турибди - бу талабалардан ташкил топган жамоа.
1 июль куни Европанинг аксарият етакчи лигаларида ёзги трансферлар бозори бошланди. Лекин «Савдо маркази» расман очилишидан олдин ҳам бир қатор муҳим харидлар амалга оширилди.
Бугун «Навбаҳор» мухлисларини Лионель Мессининг Америка кубоги-2019 якунидаги танқидига дахлдор мулоҳазалари ва ушбу мулоҳазалар билан боғлиқ қарама-қарши муносабатлар қизиқтирмай қўйди. Тяго Силва «Барселона» - «ПСЖ» учрашувида қайд этилган 6:1 ҳисобидан сўнг Лионель Месси коррупция ҳақида оғиз очмаганини таъна қилса қилаверсин.
Бразилиялик дарвозабон Лионель Мессини совринлардан мосуво қилмоқда. Европа Чемпионлар Лигасининг қаторасига 2та мавсуми ортидан «Копа Америка»... Ҳа, Алиссон аргентиналик буюк голеадорни асло тан олмаяпти. Умуман олганда, Бразилия миллий жамоаси ва «Ливерпуль» дарвозабони чиндан ҳам, мавсумни космик даражада ўтказди.
Санкт-Петербургнинг «Зенит» клуби «соккеруз» вакилига нега жиддий қизиқмоқда? Яқиндагина Британия медиаси «Селтик» ярим ҳимоячиси Томас Рогич фаолиятини Россияда давом эттириши мумкинлиги ҳақида хабар берганди.
Лионель Мессининг Америка кубоги-2019 доирасида 3-ўрин учун кечган қийин баҳсдан сўнг алам ва изтироб билан айтган гаплари бошқача янгради: «Футбол бузилиб кетди». Ўйланиб қоласан киши, миллионлар ўйини чиндан ҳам, бузилиб кетдими? Аргентина терма жамоаси сардорининг руҳий ҳолатини тушуниш мумкин. У яна финалда ўйнаш ва ниҳоят, чемпионликдан сархуш бўлишни истаганди.
«Барселона» клуби ўтган ҳафта «Аякс»дан харид қилинган Френки де Йонгни расман кенг оммага таништирди. Шу тадбир баҳона ташкил этилган матбуот анжуманида Каталония клуби президенти Хосеп Мария Бартомеу бир қатор муҳим масалалар юзасидан ахборот тақдим этди.
Айрим клублар «Барслона»га доир бир услубни ўз тажрибаларида қўллашга интилишмоқда – жамоани мухлислар ихтиёрига топшириш. Шу паллада «кўк-анорранглилар»нинг бошқарув тизими қандай ишлаши, унда «сосьос», яъни клубнинг ишқибозлар орасидан чиққан аъзолари қандай роль ўйнашларини билишга иштиёқ ортди.
ЖЧ-2022 йўлидаги кураш бошланганига (2019 йил 6 июндан) ҳам ҳеч қанча бўлмади. Аллақачон дунё бўйлаб 11та ўйин ўйналди ва 32та гол урилди. Қитъамизда саралаш жорий йилнинг 6 июнида бошланган бўлса, у 2021 йил 12 октябрда ўз ниҳоясига етади.
11 йил аввал у ресторанда идиш юварди. Бугун эса - АПЛнинг энг яхши ўйинчиси. Виржиль ван Дейк «Ливерпуль» клуби билан шартнома имзолашидан бир неча кун аввал мухлислар унинг янги либосини харид қилишганди.
Хабарингиз бор, ўтган ҳафта дунёнинг футболга ихтисослашган кўплаб нашрларида Миландаги машҲур «Сан-Сиро» стадионининг бузилишига оид хабарлар тарқалди ва бу янгилик катта шов-шувларни туғдирди.
Эвертон Соарес яқин орада Европа футболига юзланса, ажабмас. У ҳозирда Америка кубоги-2019да бразилиялик янги ноунейм («нотаниш»)-юлдуз сифатида барчани ҳайратлантириб, Неймар йўқлигини билинтирмаяпти.
Саратон сели ёзилган ушбу кунларда Суперлига биринчи давраси якунланди, Америка кубоги-2019 ярим финали иштирокчилари аниқланди, Африка Миллатлар кубоги авжига чиқди, ЎФА ва ПФЛнинг янги раҳбарияти астойдил ишга киришди. Хуллас, мулоҳазага арзирли воқеалар етарли.
Мавсумлар оралиғида ўзига янги жамоа излашга мажбур бўлаётган футболчилар орасида «Реал» дарвозабони Кейлор Навас ҳам бор.
Сўнгги мавсумни Япониянинг «Саган Тосу» клубида ўтказган Фернандо Торрес фаолиятини якунлаганини маълум қилди. 23 июнь куни Токиода ўтказилган матбуот анжуманида испаниялик форвард нима сабабдан бундай қарорга келгани ҳақида гапириб, келгусидаги режаларини ошкор этди.
Матбуот майдонида фаолият юритадиган минглаб таҳририят-жамоалар бор. Бироқ ҳар йили 27 июнда улар эмас, балки СЎЗ финалга чиқади. Спорт оламида «финал» - энг мўътабар тушунчалардан бири. Футболда-ку асти қўяверасиз. Шу сабаб касб байрамимизни СЎЗ финалга чиққан кун сифатида таърифлагим келди.
Таниқли футбол агенти Дмитрий Селюк бир ойча олдин ўзининг бош мижози - Яя Туре бутсаларини михга илиб, мураббийлик ишига киришишни режалаштираётгани ҳақида маълумот берганди.
Бенжамен Менди Франция ва Англия лигаларида олтин медалларга сазовор бўлган, жаҳон чемпионлигига эришган, аммо айни пайт Мендилар оиласида энг кучли футболчи - бу Ферлан. Soccer.ru яқинда Мадриднинг «Реал» клуби сафини тўлдирган ҳимоячи ҳақида сўз юритади.