Мбаппе келажаги ҳақида бир қарорга келди. Бу — «ПСЖ»ни хурсанд қилмайди
Ҳужумчи Килиан Мбаппе «ПСЖ»даги келажаги борасида бир қарорга келди.
L'Equipe нашрига кўра, 24 ёшли футболчи клуб билан шартномасини 2025 йилгача узайтириш вариантини фаоллаштириш ниятида эмас. Агар Мбаппе 2023 йилнинг 31 июлига қадар бу имкониятдан фойдаланмаса, 2024 йилнинг ёзида эркин агентга айланади.
2022 йилда у «Реал»га ўтиш бўйича келишувга эришган бўлсада, кутилмаганда «ПСЖ» билан қайта шартнома имзолаганди.
