«Олтин» шарафига 36та олтин IPhone
Аргентина миллий жамоаси сардори Лионель Месси 35 дона олтин iPhone 14 смартфонига буюртма берди. «ПСЖ» ҳужумчиси уларни Қатар мундиалида иштирок этган терма жамоа футболчилари ва ходимларига тортиқ этмоқчи. Узоқ кутилган чемпионлик шарафига муносиб совға!
24 карат олтин билан қопланган iPhone смартфонларига ҳар бир футболчи, мураббий ёки ходимнинг исми, рақами ва Аргентина миллий жамоаси логотипи ўйиб ёзилади. Совғалар тўпламининг умумий баҳоси - 175 000 фунт стерлинг. Чунончи, Месси жамоадошлари ва ходимлар жаҳон чемпионатидаги ғалаба шукуҳини ҳамиша эслаб юришларини хоҳлайди. The Sun нашрида ёзилишича, у шу мақсадда IDesignGold компаниясига мурожаат қилди.
Эслатма, Аргентина миллий жамоаси ЖЧ-2022 финалида Франция термасини доғда қолдириб, 36 йиллик танаффусдан кейин яна жаҳон кубоги соҳибига айланди. Фаолиятида 5-марта мундиалда қатнашган Лионель Мессининг ўзи эса турнирнинг энг яхши футболчиси сифатида эътироф этилди.
