27-28 август кунлари Монакода жойлашган муҳташам «Гримальди Форум» саройида навбати билан 3та еврокубок (ЧЛ, ЕЛ ва КЛ)нинг 2026|2027 йиллар мавсуми умумий босқичига қуръа ташланди. Қуръа ўз номи билан қуръа! Боз устига, жараён компьютерлашган бўлса. Айтганча, маросимдан олдин Франция миллий жамоаси ва «Арсенал» клуби собиқ ҳужумчиси Тьерри Анрига  футболдаги улкан ютуқлари ва ушбу спорт тури ривожига қўшган ҳиссаси учун УЕФА президентининг махсус соврини топширилди. Ҳалол ўйин учун бериладиган янги Respect: Beyond the Game Award мукофотига эса «ПСЖ» ҳимоячиси Маркиньос лойиқ кўрилди. Ушбу соврин меҳр-оқибат, қадр-қиммат, бирдамлик ва ҳамдардлик фазилатларини намоён этганлик учун топширилади. Эслатма, «Арсенал» ҳимоячиси Габриэль Магальяэс ЧЛ финалида ҳал қилувчи пенальтидан фойдаланолмагач, Маркиньос дарҳол ватандошига таскин бериш учун унинг ёнига югурганди. Бразилиялик 32 ёшли футболчи мукофотини «ПСЖ» президенти Носир ал Хелайфи қабул қилиб олди.  

ЧЛ: ҲУСАНОВ ВА РАҲМОНАЛИЕВ ЖАМОАЛАРИГА ЭЪТИБОР

Асосий евротурнирнинг умумий босқичида 36та клуб қатнашади. Иштирокчилардан 7таси саралаш чиғириғидан ўтганини ҳам айтиш керак. Бу сафар ЧЛда 4та дебютант бор: «Сабаҳ» (Озарбайжон), ЛАСК (Австрия), «Викинг» (Норвегия) ва «Комо» (Италия). Қуръада 36та клуб УЕФА коэффициентлар рейтингига асосан 4та саватчага ажратилди (9тадан). Регламентга мувофиқ, ҳар бир иштирокчи 8та жамоага қарши ўйнайди - ўз майдони ва сафарда 4тадан учрашув. ЧЛнинг умумий босқичи эса 8 сентябрь куни старт олади.  Эътиборлиси, Абдуқодир Ҳусанов «Манчестер Сити» билан собиқ клуби - «Ланс» майдонида меҳмон бўлиш имкониятига эга. «Шаҳарликлар»га тушганлар орасида «Барселона» ва «ПСЖ» ҳам бор. Умарали Раҳмоналиевнинг клуби - «Сабаҳ» чекига эса «Барселона», «Арсенал» ва «МЮ» каби катта рақиблар тушди. «Реал»нинг асосий рақиблари «Интер» ва «Арсенал» бўлса, «Барселона» ўз майдонида «Манчестер Сити» сафарда «ПСЖ» билан ўйнайди. Эслатма, ЧЛ-2026|2027 финали кейинги йилнинг 5 июнь куни Мадриддаги «Метрополитано» стадионида бўлади.

Турнир фаворитлари ва «Сабаҳ»нинг рақиблари

«Реал»:  ўз майдонида - «Интер», ПСВ, «РБ Лейпциг», ЛАСК; сафарда - «Арсенал», «Рома», «Шахтёр», АЕК Аф.

«Манчестер Сити»: ўз майдонида - «ПСЖ», «Спортинг», «Наполи», АЕК Аф.; сафарда - «Барселона», «Порту», «РБ Лейпциг», «Ланс»

«Интер»: ўз майдонида - «Ливерпуль», «Брюгге», «Шахтёр», «Штутгарт»; сафарда - «Реал», «Боруссия» Д., «Фейеноорд», «Слован» Бр.

«Барселона»: ўз майдонида - «Манчестер Сити», «Астон Вилла», «Фейеноорд», «Комо»; сафарда - «ПСЖ», «Спортинг», «Галатасарой», «Сабаҳ»

«Атлетико»: ўз майдонида - «Бавария», «МЮ», «Фенербахче», «Викинг»; сафарда - «Ливерпуль», ПСВ, «Будё-Глимт», «Штутгарт»

«Ливерпуль»: ўз майдонида - «Атлетико», «Порту», «Вильярреал», «Ланс»; сафарда - «Интер», «Брюгге», «Фенербахче», ЛАСК

«Арсенал»: ўз майдонида - «Реал», «Боруссия» Д., «Лилль», «Сабаҳ»; сафарда - «Бавария», «Бетис», «Наполи», «Славия» Пр.

«Бавария»: ўз майдонида - «Арсенал», «Реал», «Будё-Глимт», «Славия» Пр.; сафарда - «Атлетико», «МЮ», «Лилль», «Викинг»

«ПСЖ»: ўз майдонида - «Барселона», «Рома», «Галатасарой», «Слован» Бр.; сафарда - «Манчестер Сити», «Астон Вилла», «Вильярреал», «Комо»

«МЮ»: ўз майдонида - «Бавария», «Рома», «РБ Лейпциг», «Сабаҳ»; сафарда - «Атлетико», «Спортинг», «Вильярреал», «Комо»

«Сабаҳ»: ўз майдонида - «Барселона», «Боруссия» Д., «Наполи», «Славия» Пр.; сафарда - «Арсенал», «МЮ», «Вильярреал», «Викинг»

--------------------------------------------------------------------------------------------------------------------------------

ЕЛ: ФРАНКФУРТ ТОМОН ЙЎЛ

ЕЛ умумий босқичида ҳам 36та жамоа бор. Формат бўйича ҳар бир жамоа 8тадан ўйинда қатнашади (ўз майдони ва сафарда 4тадан). Даража бўйича иккинчи ўринда турувчи турнирнинг умумий босқич баҳслари 16 сентябрь куни бошланади. Финал эса 2027 йилнинг 26 май кунига белгиланган. Манзил - Франкфуртдаги «Вальдштадион» стадиони.

Турнирнинг асосий фаворитлари рақиблари

«Борнмут»: «Милан», «Реал Сосьедад»», «Виктория» Пл., «Спарта», «Штурм», «Сельта», «Хапоэль» Б-Ш, «Лиллестрем»

«Реал Сосьедад»: «Лион», «Ювентус», «Виктория» Пл., «Юнион», «Борнмут», «Кристал Пэлас», «Торренсе», «Лиллестрем»

«Ювентус»: «Реал Сосьедад», АЗ, «Ренн», «Ференцварош», «Омония», «Сельта», НЕК, «Хапоэль» Б-Ш.

«Милан»: «Бенфика», «Олимпиакос», «Ференцварош», «РБ Зальцбург», «Сандерленд», «Борнмут», «Арарат-Армения», «Левски»

«Бенфика»: АЗ, «Милан», «Селтик», «Виктория» Пл., «Лех», «Омония», ОФИ, НЕК

--------------------------------------------------------------------------------------------------------------------------------

КЛ: «ЛУГАНО» ВА БЕҲРУЗ КАРИМОВ УЧУН КАТТА СИНОВЛАР

Конференциялар Лигаси-2026|2027да ҳам умумий босқич формати ўзгарган эмас: 36та клубнинг ҳар бири 6тадан ўйинда қатнашади (ўз майдони ва меҳмонда 3тадан). Беҳруз Каримовнинг янги клуби - «Лугано» умумий босқичда «Црвена Звезда», «Копенгаген», «Сент-Трюйден», «Хетафе», «Каунo Жальгирис» ва «Яблонец» билан баҳс юритади. Ушбу турнир финали кейинги йилнинг 2 июнь куни Истанбулдаги «Бешиктош» стадионида бўлиб ўтади.

Турнирнинг асосий фаворитлари ва «Лугано»нинг рақиблари

«Аталанта»: «Аякс», «Пафос», «Борац», «Қайрат», «Рига», «Мьельбю»

«Аякс»: «Аталанта», «Мидтьюланд», «Хетафе», «Сент-Трюйден», «Хайдук», «Тун»

«Монако»: «Фрайбург», «Брайтон», «Линкольн Ред Импс», «Хартс», «Норшелланд», ЦСКА Сф.

«Трабзонспор»: «Фрайбург», «Црвена Звезда», КуПС, ЦСКА Сф., «Яблонец», «Хартс»

«Брайтон»: «Монако», «Панатинаикос», «Университатя» Кр., «Хетафе», «Кауно Жальгирис», «Яблонец»

«Лугано»: «Копенгаген», «Црвена Звезда», «Хетафе», «Кауно Жальгирис», «Яблонец», «Сент-Трюйден»