«Барселона», «Бавария», «Лестер Сити» ушбу жамоаларни нима боғлаб турганига қизиқябсизми, ха албатта бу жамоалар ўтган мавсум чемпионлари. Сизлар билан бу мақоламиз орқали ўтган мавсумдаги чемпионлар тўғрисида гаплашамиз.

БАВАРИЯ

«Бавария» Мюнхен 1900-йили ташкил қилинган. Жамоа 18 мартта Германия Кубогида, 3 бор Европа чемпионлар Кубоги (ҳозирги ЕЧЛ)да, 2 мартта Чемпионлар Лигасида зафар қучган. Сўнги йилларда Бундеслига тахтини хеч кимга бермай келаётган бу жамоа хозирда 9 очко билан яна биринчи ўринда бормоқда.

Мавсум аввалидан бошлаб Карло Анчелотти қўл остига ўтган жамоанинг ишлари ҳозирча «5». «Бавария» шу пайтгача умуман йўқотишларсиз келмоқда. Кўрамиз, агар мюнхенликлар шу зайлда давом этишса ўзлари иштирок этаётган турнирларнинг барчасида чемпионликка эришишлари ҳеч гап эмас.

БАРСЕЛОНА

Ўтган мавсум «Барселона» учун унчалик омадли бўлмади, десак мақсадга мувоффиқ бўлади. Тўғри, каталонияликлар Испания чемпионати ва кубогида зафар қучишди, бироқ жамоанинг асосий мақсади бу ЕЧЛ эканлигини инобатга олсак, қўлга киритилган бу совринларнинг аҳамияти иккинчи даражага тушииб қолиши мумкин.

Бу йилги мавсумда эса, "Алавес"га қарши кечган "Камп Ноу"даги ўйинни инобатга олмаганда, "Барса"нинг ишлари яхши кетмоқда десак бўлаверади. Ички чемпионат баҳсларида 9 очко жағарган "Барселона" пешқадам «Реал Мадрид»дан 3 очко ортда қолмоқда. Албатта, миллий чемпионат ҳали узоқ давом этади ва макур турнир чемпионлиги ҳақида фикр билдиришга ҳали эрта. ЕЧЛга келсак, 1-турда ўз майдонида "Селтик"ни қабул қилган Луис Энрике шогирдлари рақиб дарвозасини нақ 7 маротаба ишғол этишди. Бу ўйин Месси, Неймар ва Суарес биргаликда асосий таркибда майдонга тушган мавсумдаги илк учрашув бўлди. Мазкур учрашув давомида супер триоси - MSNнинг ҳаракатлари мухлисларнинг олқишига сазовор бўлди.

Лестер Сити

Энди навбат тулкиларга. Кўплаб футбол ишқибозлари бу мавсум "Лестер"нинг ўтган мавсумдагидек сермазмун ўйин кўрсата олишига шубҳа билан қарашганди. Тўғри АПЛ стартидаги 4 тур давомида Раньери шогирдлари бироз пассивроқ ҳаракат қилишди. Дастлабки турда "Халл Сити" майдонида мағлуб бўлган "Лестер" иккинчи турда "Арсенал" билан дуранг қайд этди - 0:0. 3-турда эса мавсумдаги илк ғалаба эришилди: ўз майдонида "Суонси"ни қабул қилган "тулкилар" 2:1 ҳисобида зафар қучишди. Аммо 4-турда "Ливерпуль" майдонида кечган баҳс жуда аянчли бўлди ва Раньери шогирдалри Клопп жамоасига йирик ҳисобда енгилди - 4:1.

Шундан сўнг "Лестер" ўзига келиб олди десак бўлади. Дастлаб, Чемпионлар лигаси биринчи тури доирасида "Брюгге" меҳмони бўлиб йирик - 3:0 ҳисобидаги ғалаба билан орга қайтишди. АПЛ 5-тури доирасидаги баҳсда ҳам худди шу ҳисобда ""Бёрнли" таслим этилди. Мазкур учрашувда "тулкилар" сафида илк марта майдонга тушган Ислом Слимани дубль қайд этганини алоҳида таъкидлаш жоиз. Кўрамиз, нима бўлганда ҳам мавсумнинг катта қисми ҳали олдинда, балки "Лестер" эртаги" бу мавсум чемпионлар лигасида давом этар...

ПАХТАКОР

Олий лигамизнинг "шерлар"ида бу мавсу аҳвол ҳавас қиладиган даражада эмас. Жамоанинг асосий тўпурари Игор Сергеев кетганидан сўнг, аҳвол янада мураккаблашди дейиш мумкин. Айниқса 2-давра бир қатор учрашувларда жамоа анча қийналиб қолаётганди.

Аммо "Пахтакор"нинг охирги ўйинларига назар солсак жамоа секин-аста ўзига келаётгандек. Дастлаб Олий-лига 22-туридан ўрин олган «Бунёдкор»га қарши "Тошкент дербиси"да "қалдирғочлар" устидан кичик ғалабага эришилди. Бугун эса 20-турниг қолдирилган учрашувида "Қизилқум" таслим этилди.