«Пахтакор» тарихидаги энг яхши ҳужумчилардан бири Станислав Митрофанович Стадник ҳаёт бўлганида, 21 май куни 80 ёшга тўларди...
У 1940 йили Тошкентда туғилган. Ўзбекистон футболи мактаби тарбияланувчиси. Собиқ иттифоқ спорт устаси. Собиқ иттифоқ чемпионати олий лигаси кумуш медали совриндори (Москванинг «Динамо»си сафида). Стадник собиқ иттифоқ олимпия терма жамоаси сафида 1та ўйин ўтказган. У чиндан ҳам, 1950-1960 йиллардаги «Пахтакор»нинг энг яхши ҳужумчиларидан биридир. «Пахтакорчилар» ўша йиллар собиқ иттифоқ чемпионати олий лигасига йўл олишган ва Станислав Стадник ҳужумда Геннадий Красницкий билан ажойиб жуфтлик ҳосил қилганди. Бу ўз вақтининг энг яхши тандеми эди... 1962 йили Красницкий Москва «Динамо»си сафига қўшилишдан бош тортгач, бу жамоа Стадникни ўз томонига оғдиради. Ҳужумчи 1962 йилнинг 2 май куни «Беларус»га қарши кечган ўйинда «оқ-кўклар» сафида дебют қилади. Ўшанда бошланғич таркибда майдонга тушган Стадник 81-дақидада жамоасининг иккинчи голини урган ва «Динамо» 2:0 ҳисобида ғалаба қозонганди. Умуман олганда, у 1962-1963 йилларда Москва жамоасининг 18та ўйинида иштирок этиб, 2та гол муаллифига айланган.
Стадник аниқ узатмалари, нозик техник қобилияти, тартибли тактик ҳаракатлари билан ажралиб турарди, аммо чидам ҳамда старт тезлиги борасида мақтанолмасди. Кўп ўтмай Тошкентга қайтган Станислав яна 3 мавсумдан кейин бош мураббий Михаил Якушин билан можарога бориб, клубдан кетади. Стадник фаолиятида яна «Қайрат», «Ташавтомаш», «Труд», «Хонқа», «Политотдел» каби клубларда тўп сурган. Футболчилик фаолиятини якунлаганидан маълум муддат ўтгач, мураббий сифатида ҳам ишлаган. Станислав Митрофанович 1998 йилнинг 19 декабрь куни Тошкентда ҳаётдан кўз юмди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20