АРМАНИСТОН КУБОГИНИНГ БУЮК ФИНАЛИ. «Ной» ва «Арарат-Арманистон» ўртасидаги кубок финали ноёб сценарий остида кечди. Воқеалар ривожига эътибор қаратинг:
*** «Арарат» 29-дақиқага қадар 3:0 ҳисобида олдинга чиқиб олди.
*** Биринчи бўлим «Арарат»нинг яққол устунлигида якунланди - 4:1.
***67-дақиқага келиб ҳисоб тенглашди - 4:4. Боз устига, 90+3-дақиқада «Арарат» футболчиларидан бири майдондан четлаштирилди.
***Қўшимча бўлимларда томонлар 2 дақиқа оралиғида 1тадан гол уришди - 5:5.
***Пенальтилар серияси 18та зарбани ўз ичига олди. «Ной» - Арманистон кубоги соҳиби!
«Ной» ўз тарихида илк марта мамлакат кубоги соҳибига айланди. Нодир финални фаолияти давомида Испаниянинг ўртамиёна клубларини бошқарган, ҳозир эса Арманистон миллий жамоасини шуғуллантираётган машҳур мураббий Хоакин Капаррос бевосита стадионда кузатди. Коронавирус пандемияси туфайли мухлислар стадионга қўйилмади. Аслида улар финални воқеа жойида томоша қилишни жуда-жуда хоҳлашган эди. Ўйинга 2 кун вақт қолганида, мамлакат футбол федерацияси комендатурага мурожаат қилиб, мухлисларни аренага киритишга рухсат сўради. Бироқ вазият қалтислиги туфайли бу илтимос қондирилмади. Қолаверса, Арманистон бош вазири Никол Пашинян мамлакатда фавқулодда ҳолат режими янада кучайтирилишини маълум қилди. Шунга қарамай, баъзи фанатлар трибуналардан жой олиш йўлини топишди.
Айтганча, «Ной» таркибида россиялик 12 нафар футболчи Арманистон кубоги эгасига айланди. Жумладан, «Кубань», «Чертаново» ва КАМАЗда ўйнаган Максим Майрович Россиядаги фаолияти давомида ҳеч қачон бир мавсумда чемпионат доирасидаги ўйинларда 2тадан кўп гол урган эмасди. Унинг Арманистон лигасидаги статистикаси эса, шунчаки, ажойиб - 27та ўйин, 11та гол. Максим кубок финалида ҳам 1та голга муаллифлик қилди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20