«Ювентус» қаторасига 9-марта Италия чемпиони бўлди. Бу кучли 5та лига рекордидир. Серия бўйича иккинчи яхши натижа якунланган мавсум Германияда кетма-кет 8-марта зафар қучган «Бавария»га тегишли. Умуман олганда, «Ювентус» ҳисобидаги скудеттолар сони 36тага етди.
*** Криштиану Роналду («Ювентус») фаолияти давомида 31-марта совриндор бўлди. Португалиялик жумладан, клуб футболида қўлга киритган совринлари сонини 28тага етказди.
*** Маурицио Сарри «А» серияда ғалаба нашидасини сурган энг ёши катта мураббийга айланди (61 ёшу 198 кунлик).
*** Жанлуижи Буффон «А» серияда 10-марта ғолиб чиқди - бу турнир рекорди. «Ювентус» ҳимоячилари - Леонардо Бонуччи ва Жоржио Кьеллини ҳисобида 9тадан скудетто бор.
*** «Лацио» ҳужумчиси Чиро Иммобиле мавсум давомида пенальти воситасида 13та гол уриб, бу борада чемпионат рекордчисига айланди.
*** «Милан» ярим ҳимоячиси Ҳоқон Чалханоглу «А» серияда юбилей - 100-ўйинини нишонлади.
*** «Ювентус» сафарда «Удинезе»га қарши ўйинда ҳисобни очиб, якунда ютқазиб қўйди - 1:2. Шу билан «кекса синьора»нинг мавсум давомида ҳисобда олдинда борган ўйинларда йўқотган очколари сони 18тага етди. Бу «Юве» учун охирги 9 мавсумдаги энг ёмон натижадир.
*** 34-турдан кейин Криштиану Роналду («Ювентус») ва Чиро Иммобиле («Лацио») ҳисобидаги голлар сони 30тага етди. Италия чемпионатининг 1та мавсумида 2 нафар футболчининг камида 30та гол уриши 1951 йилдан буён кузатилмаётган эди. 30 ёшли Иммобиле «А» сериянинг бир мавсумида 30та гол маррасига етган италиялик 5-футболчи эканлигини ҳам айтиш ўринли. Учрашувда «дубл»га эришган Роналду эса «А» сериядаги голлари сонини 50тадан ошириш баробарида «Милан»нинг собиқ ҳужумчиси Андрей Шевченко рекордини янгилади. Шева 50та гол маррасига 69та ўйинда етганди, Роналдуга 61та учрашув кифоя қилди
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20