Босниялик Ведад Ибишевич 2006 йилдан буён Бундеслигада тўп сурмоқда. У ортда қолган вақтда «Алемания», «Хоффенхайм», «Штутгарт» ва «Герта» клублари шарафини ҳимоя қилди. Мана, 36 ёшли Ибишевич янги мавсум олдидан «Шальке» сафига қўшилиб, клуб билан 1 йиллик шартнома тузди. Диққатни тортадиган томони, ҳужумчи шахсий агенти билан маслаҳатлашган ҳолда, янги жамоада оладиган маошини тўлиқ хайрия ишларига сарфлашга қарор қилди. Хуллас, Ведад Гельзенкирхенда фақат мукофот пули ва бонус тўловлари ҳисобига яшайди, аниқ белгиланган иш ҳақи эса, эҳтиёжмандларни қўллаб-қувватлашга кетади. Қойил, ҳимматингга тасанно, Ведад!
Олдинроқ Ибишевичнинг мавсум-2020|2021да атиги 100 минг евро миқдорида маош олиши ҳақида хабарлар тарқалганди. Босниялик футболчининг ўзи бу борада тўхталиб, сумма нотўғри кўрсатилганини айтди: «Қандайдир сафсата. Ҳа, «Шальке»даги маошим у қадар катта эмас, лекин журналистлар келтирган миқдордан анча кўп». Орадан кўп ўтмай, Ибишевич маошини тўлиқ хайрия ишларига йўналтиришни лозим топди ва буни оддий изоҳлади: «Тушунинг, бу ерга пул ишлаш учун келганим йўқ. Акс ҳолда, йиллик иш ҳақимни хайрияга ажратмасдим. Тан оламан, шартномам йирик эмас, лекин қанча олсам, ҳаммасини пулга эҳтиёжи баландроқ кишиларга бераман. Аслида олдимда хорижга чиқиш варианти бор эди, аниқ таклифлар тушганди. Нега кетмадим? Чунки фаолиятимни Бундеслигада давом эттириш варианти кўпроқ қизиқтирди. Нега айнан «Шальке» чорловини қабул қилдим? Мақсадим - клубга молиявий мураккаб ҳолатдан чиқиб кетишига имкон доирасида ёрдам бериш. Фақат бонуслар ҳисобига яшаш - бу жамоа билан максимал даражада тиришиш учун қўшимча туртки».
Сўз
- Ҳа, бу юксак даража учун ноодатий воқелик. Энг муҳими, Ведад шу йўсинда ўйнашга иштиёқи нақадар баланд эканлигини кўрсатмоқда. Клубимиз сафига шундай меҳрибон ва танти инсон қўшилганидан хурсандмиз, албатта. Йохан Шнайдер («Шальке» спорт директори).
Уткир УМАРОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20