Франция футбол федерацияси Интизом қўмитаси «Марсель» ва «ПСЖ» ўртасидаги можароли ўйинни атрофлича ўрганиб чиқмоқда. Якшанба куни Лига 1 3-тури доирасида ўтказилган мазкур учрашув охирида юзага келган жанжалдан кейин ҳакам 5 нафар футболчини қизил карточка билан жазолаганди. Жумладан, «ПСЖ» етакчиларидан бири Неймар можаро марказига тушди. Бразилиялик футболчи ўйиндан сўнг «Марсель» вакили Альваро Гонсалеснинг ирқчиликка йўғрилган хатти-ҳаракатига жавоб тариқасида унга ташланганини тушунтирди. Энди Неймар бу хатти-ҳаракати туфайли нақ 7та ўйинга дисквалификация қилиниши мумкин. Рақиб футболчисининг чиндан ҳам ирқчиликка йўл қўйгани тасдиқланса, у 10та учрашувдан четлаштирилади. «ПСЖ» раҳбарияти ҳозирда бу борада Неймарни қўллаб-қувватламоқда. «Клуб қатъий тарзда Неймарни ҳимоя қилади, чунки у рақибнинг жирканч муносабати қурбонига айланди. Жамоатчилик на футбол ва на жамиятда ирқчиликка ўрин йўқлигини унутмаса, бас. Бу борада ҳамма бирлашиши ва ушбу иллатга бараварига қарши туриши керак. «ПСЖ» 15 йилдан ошдики, камситишнинг ҳар қандай турига қарши қатъий курашиб келмоқда. LFP Интизом қўмитаси қарор чиқаришда бу фактлардан кўз юммаслиги керак. Клуб ўз навбатида, текширув жараёнига қўлдан келганича ёрдам беришга тайёр», — де-йилади Париж жамоаси баёнотида. ОАВ маълумотларига қараганда, Неймар ўйин давомида реферига бир неча марта юзланиб, Альваро Гонсалесдан шикоят қилган: «Ирқчиликка ўрин йўқ эмасми?»
Манба: iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20