Қайднома

Қидирув

Coca Cola суперлигаси 16 – тур. “Қўқон-1912” жамоаси Жиззахда қимматли очколарни бой берди

Coca Cola суперлигаси 16 – тур. “Қўқон-1912” жамоаси Жиззахда қимматли очколарни бой берди

  21.09.2020 22:20
  0
  75
Coca Cola  суперлигаси 16 – тур. “Қўқон-1912” жамоаси Жиззахда қимматли очколарни бой берди

Бугун Жиззахдаги "Сўғдиёна" марказий стадионида Coca Cola  суперлигасининг 16-тур учрашуви бўлиб ўтди. Майдонга "Сўғдиёна" ҳамда "Қўқон-1912" жамоалари тушдилар.

Бугун "Қўқон-1912" жамоаси бош мураббийи Бахтиёр Ашурматов бироз бетоблиги сабаб жамоа билан Жиззах шаҳрига келмаганини таъкидлаш жоиз. Ўйин юртимизда жорий қилинган карантин қоидаларига амал қилган ҳолда мухлисларсиз ташкил этилди. Учрашувдан олдин ЎФА фахрийлар Кенгаши раиси Наримон Жалолов хотирасига бағишлаб бир дақиқалик сукут сақланди. Ўйин шиддатли тарзда бошланди. 4-дақиқада мезбонлар ҳисобни очишди. Майдон эгалари томонидан ташкил этилган ҳужумни Шаҳбоз Жўрабеков гол билан якунлади. 17-дақиқада Муҳаммаданас Ҳасановда яхши имконият вужудга келди. 22-дақиқада Мерзляковнинг узамтасидан кейин рақиб дарвозаси олдида яна бир хавфли вазият вужудга келди. 29-дақиқада меҳмон футболчилар яхши комбинация ташкил этишганди. Якуба Бамбанинг зарбаси бироз ноаниқ бўлди. 40-дақиқада Бамба яхши ҳаракат қилиб тўпни шеригига ошириб берганди. Сўнгги паллада жиззахликлар хавфни бартараф этишди. Биринчи бўлимнинг охирги дақиқасида мезбонлар иккинчи тўпни киритишди. Бурчак ошириб берилган тўпни Марко Калакович рақиб дарвозасига аниқ йўллади. Танаффусга жамоалар шу ҳисобда чиқиб кетишди.

Иккинчи бўлим ҳам қўқонликлар учун омадсиз бошланди. 48-дақиқада Бобур Акбаров иккинчи марта ҳакам томонидан огоҳлантирилди ва майдондан четлатилди. 56-дақиқада Шоҳжаҳон Норбеков жарима майдончаси ичида тўпни узига ўнглай олмади. Натижада рақиблар хавфни бартараф этишди. 60-дақиқада Ботирали Эргашев жамоаси жонига оро кирди. Дарвозабон Норхоновнинг кучли зарбасини қайтарди. 62-дақиқада мезбонлар ҳисобни йириклаштиришди. Искандар Шойқуловнинг зарбаси меҳмонлар дарвозасидан ўрин олди.

Қолган дақиқаларда қўқонлик футболчилар ҳарчанд ўринишмасин, ҳисобни ўзгартира олишмади ва Жиззахада қимматли очколарни бой берди.

Coca Cola  суперлигаси

16-тур

"Сўғдиёна" - "Қўқон-1912" – 3:0 (2:0)

Ҳакамлар: Темур Тўхтасинов, Анвар Маражабов, Зиёдулла Абдураҳмонов, Аҳмад Эргашев.

Назоратчи: Маъмур Саидқосимов.

Комиссар: Эркин Бахтиёров.

Голлар: Шаҳбоз Жўрабоков (4), Марко Калакович (45), Искандар Шойқулов (61).

“Сўғдиёна”: 27. Милан Митрович, 2. Сардор Қулматов, 3. Искандар Шойқулов, 5. Аюбхон Нўъмонов (30. Диан Талхатов – 72), 8. Жамшид Болтабоев (7. Санжар Рашидов – 35), 10. Шохруз Норхонов (21. Саҳоб Рашидов – 85), 11. Жасур Ҳасанов, 18. Шавкат Муллажонов, 19. Жавоҳир Қаҳрамонов (14. Даниэл Насриддинов – 71), 22. Шаҳбоз Жўрабеков (4. Элёр Орифов – 73), 93. Марко Калакович.

Захира: 1. Ширинбой Абдуллаев, 20. Баҳодир Насимов, 25. Нодир Қуйбоқов, 36. Элёр Собиржонов.

"Қўқон-1912": 1. Ботирали Эргашев, 3. Бобуржон Акбаров, 7. Шоҳназар Норбеков  (20. Иқбол Маликжонов-90), 10. Қувондиқ Рўзиев, 13. Сардор Азимов (9. Суҳроб Бердиев – 46), 15. Ойбек Рустамов, 22. Муҳаммаданас Ҳасанов (14. Аваз Маматхўжаев – 63), 23. Александр Мерзляков, 33. Иван Йосович, 70. Мурод Холмуҳаммедов (4.  Собит Синдаров – 87), 91. Якуба Бамба (17. Музаффар Музаффаров – 46).

Захира: 96. Ислом Абдуллаев, 5.  Жасур Ёқубов, 69. Филип Раевац, 99. Бек Абдуллаев.


Манба: ФКҚЎҚОН-1912


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Вадим Абрамов миллий терма жамоамизни ЖЧ-2022 олиб чиқишига ишонасизми?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz