Coca Cola Суперлиганинг 16-туридан ўрин олган «Бунёдкор» - АГМК (2:3) учрашувидан кейин ўтказилган матбуот анжуманининг биринчи қисмида меҳмонлар бош мураббийи Миржалол Қосимов иштирок этди.
- Бугун ҳар иккала жамоа учун ҳам муҳим баҳс эди. Беллашувни ёмон бошлаганимиз йўқ, лекин 25-дақиқалардан кейин эътиборни кўпроқ ҳимояга қарата бошладик. Натижада ўз дарвозамиздан тўп олиб чиқдик. Айтиш керакки, ҳар иккала жамоа дарвозабони ҳам ишончли ўйин кўрсатмаётганди. Биз иккинчи бўлим аввалида бундан фойдаландик. Ҳисоб тенглашгач «Бунёдкор» табиий равишда бор эътиборини ҳужумга қаратди, биз эса қарши ҳужумда Жасур Умаровнинг голи сабабли ғалаба қозондик. Майдон бироз «оғирроқ»дек туюлди. Шундай бўлса-да, бугун мухлисларга ёқадиган ўйин бўлди, деб ўйлайман.
***
Пресс-конференциянинг иккинчи қисмида мезбонлар бош мураббийи Вадим Абрамов иштирок этди.
- Ютқазилган ўйиндан кейин нимадир дейиш қийин. Ҳаммасига ўзимиз айбдормиз. Умуман бу йилги мавсумда муҳим ўйинларда тушунарсиз хатолар сабабли очколарни бой беряпмиз. Бу – футбол. Бугун рақибга иккита голни совға қилдик. АГМК тажрибали жамоа, таркибида бундай хатоларни кечирмайдиган футболчилар бор. Ўйиндаги назорат гап-сўзсиз бир тарафда бўлди, бироқ ўша устунлик ортидан ўзимизга муаммолар яратиб олдик. Сўнгги қарорларни қабул қилишда шунчаки малака етишмади. Қолаверса, рақиб сафида захирадан майдонга тушган футболчилар ўйинни кучайтирди.
Манба: fcbunyodkor.com
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20