Биз жамоани йил бошидан қабул қилмадик, эски тизимни тўғрилаш учун оз бўлса ҳам вақт кетади. Биз эътиборимизни гап сўзларга қаратмоқчи эмасмиз, бизга бунинг қизиғи ҳам йўқ. Бир четдан туриб гапиришни ҳамма билади, бундайлар олдин ҳам бўлган. Ҳаттоки барча бир-бирига душман бўлиб қолган "гапчилар" сабабли. Жамоада ҳаммаси жойида, ҳеч қандай муаммо йўқ. Фақатгина ўзимиз майдонга тушиб футбол ўйнашимиз қолди холос.

 Мен аввал ҳам айтганман, кўп вақт кетса ҳам биз кутган жамоани ярата оламиз! Тўғриси четдан гапиришни ҳамма билади, баъзи гаплар бир-бирига ҳам тўғри келмайди, аммо бизни барчани ёнида юзимиз ёруғ. Деярли 99% мухлислар биздан хурсанд, сабаби улар бизга ишонишади.

Тўғрисини айтсам, кўп футболчилар бизнинг жамоада ўйнашни истамоқда, ўзлари таклиф билан чиқишмоқда. Жамоамиз ёмон бўлса футболчилар нега бизнинг жамоада ўйнашни исташмоқда? Чунки, жамоада ҳеч қандай муаммо йўқ. Кўп жамоалар ойлаб ойлик маошларини олиша олмаяпти, бизда бундай муаммо йўқ. Қандайдир саволлар бўлса улар учун эшигимиз дойим очиқ.

Такрор айтаман. Баъзиларнинг гаплари халқимизнинг фикрини ўзгартира олмайди. Бизга ишонган мухлислар қўллаб қувватлашда давом этади. Баъзилар Про Лигага равона бўлишимизни кутишаётгани ҳам сир эмас.

Биз охиригача курашамиз. Биз гап билан эмас, балким амалда бажарадиган инсонмиз!