Европа Чемпионлар Лигасининг 8 декабрга белгиланган учрашувлари асосан Роналду ва Мессининг ўзаро тўқнашуви, «МЮ»нинг Лейпцигда рақибига ютқазиб, кейинги босқичга чиқиш имкониятидан маҳрум бўлгани, шунингдек, ирқчилик ҳаракати туфайли Париждаги ўйиннинг тўхтаб қолгани билан ёдда қолди.

«Е» гуруҳи. Мазкур квартетда ҳаммаси олдиндан ҳал бўлиб улгургани сабабли интрига йўқолганди. 6-турда «Челси» ўз майдонида «Краснодар» билан дуранг (1:1) ўйнаган бўлса, «Севилья» «Ренн» уйига сафар уюштириб, 3:1 кўринишидаги ғалабани расмийлаштирди.

«F» гуруҳи. Санкт-Петербургнинг «Зенит» клуби сўнгги турда мезбон сифатида ўйнашига қарамай, Дортмунд «Боруссия»сига имкониятни бой берди - 1:2. Ушбу гуруҳдаги яна бир баҳсда «Лацио» «Брюгге» билан сулҳга (2:2) имзо чекди. Эътиборлиси, Россия жамоаси ўз квартетида бирорта ғалабага эришмади. Бунақаси «Зенит» тарихида илк марта рўй берди.

«G» гуруҳи. Узоқ кутилган «Барселона» - «Ювентус» учрашуви, аниқроғи, Роналду - Месси тўқнашуви Турин жамоаси ва унинг асосий юлдузига аталди, десак муболаға бўлмайди. Мазкур қарама-қаршиликда 3:0 кўринишида ғалабага эришган меҳмонлар гуруҳда биринчи ўринни эгаллашди. Роналду иккита пенальтидан фойдаланиб, «дубль» қайд этди. Португалиялик ҳужумчи «Камп Ноу»да каталонияликларга қарши ўтказган сўнгги 13та ўйинида рақиб дарвозасини 14 марта (3таси пенальтидан) ишғол қилди. Криш клублар даражасидаги учрашувларда 650-голини урганини алоҳида эътироф этиш жоиз. У «Реал»да 450та, «МЮ»да 118та, «Ювентус»да 77та ва «Спортинг»да 5та тўп киритган. Турин жамоаси Италия клублари орасида биринчи бўлиб еврокубоклар доирасида «Барселона» дарвозасига учта гол уришни уддалади. «Юве» посбони Жанлуижи Буффон эса ушбу ўйин давомида Лионель Месси томонидан йўлланган 11 зарбанинг 7тасини қайтаришга эришди. Ушбу гуруҳнинг қолган икки вакили - «Динамо» Киев ҳамда «Ференцварош» Украинада ўйин ўтказишди ва унда мезбонлар 1:0 ҳисобида муваффақиятга эришишди.

«Н» гуруҳи. Юқорида таъкидлаганимиздек, 6-турда кузатилган энг шов-шувли воқеалар айнан шу квартетга тааллуқли бўлди. «РБ Лейпциг» «МЮ»ни 3:2 ҳисобида енгиб, ЕЧЛ «плей-офф» босқичига чиқди. Манчестерлик эса энди Европа Лигаси билан кифояланадиган бўлишди. Германия жамоаси томонидан урилган 3та голга «қизил иблислар» 2та гол билан жавоб қайтаришди, холос. Параллель тарзда кечган «ПСЖ» - «Истанбул» 14-дақиқада тўхтаб қолди. Бунга захира ҳаками Себастьян Кольцескунинг истанбулликлар мураббийи Пьер Вебони ирқий камситгани сабаб бўлди. Оқибатда, «Истанбул» футболчилари ўйинни давом эттиришни истамай, кийиниш хонасига кириб кетишди. Шу муносабат билан ушбу учрашув 9 декабрга қолдирилиши, унда бошқа ҳакамлар бригадаси ишлаши белгиланди. УЕФА эса ушбу воқеа юзасидан текширув ўтказишга ваъда берди.

ЕЧЛ. ГУРУҲ БОС+ИЧИ. 6-ТУР

«E» ГУРУҲИ

8 декабрь (сешанба)

ЧЕЛСИ - КРАСНОДАР - 1:1 (1:1)

Бош ҳакам: Павел Краловец (Чехия).

Голлар: Жоржиньо (28-пен.) - Кабелла (24).

Челси: Аррисабалага, Рюдигер, Эмерсон, Кристенсен, Аспиликуэта, Ковачич (Канте, 74), Гилмор, Хавертц (Вернер, 74), Жоржиньо, Анджорин (Жиру, 80), Абрахам.

Краснодар: Городов, Рамирес, Смольников, Мартинович, Панталеао (Сорокин, 74), Классон, Ольссон (Камболов, 80), Вильена, Кабелла (Сулейманов, 80), Вандерсон (Чернов, 80), Берг (Марков, 90).

РЕНН - СЕВИЛЬЯ - 1:3 (0:2)

Бош ҳакам: Бартош Франковски (Польша).

Голлар: Рюттер (86-пен.) - Кунде (32), Эн-Несири (45, 81).

Ренн: Сален, Далберт, Траоре, Да Сильва (Агерд, 70), Мауасса (Трюффер, 79), Гренье (Те, 79), Камавинга, Доку (Гбоо, 79), Нзонзи, Соппи, Ньянг (Рюттер, 70).

Севилья: Буну, Кунде, Серхи Гомес (Фернандо, 76), Диего Карлос, Рекик, Оливер Торрес (Васкес, 83), Ракитич, Сусо (Оскар Родригес, 76), Гудель, Идрисси (Окампос, 72), Эн-Несири (Фернандес, 83).

«F» ГУРУҲИ

8 декабрь (сешанба)

ЗЕНИТ - БОРУССИЯ Д. - 1:2 (1:0)

Бош ҳакам: Иштван Ковач (Руминия).

Голлар: Дриусси (16) - Пишчек (68), Витсель (78).

Зенит: Кержаков, Прохин, Дуглас Сантос, Ракицкий (Ловрен, 67), Кузяев (Вендел, 61), Сутормин, Барриос, Оздоев (Круговой, 79), Малком (Караваев, 79), Азмун, Дриусси (Дзюба, 60).

Боруссия Д.: Хитц, Шульц, Пишчек (Загаду, 72), Хуммельс (Санчо, 72), Пасслак (Мукоко, 58), Брандт (Рейна, 58), Витцель, Азар (Кнауфф, 83), Беллингем, Ройс, Жан.

ЛАЦИО - БРЮГГЕ - 2:2 (2:1)

Бош ҳакам: Жюнейт Чақир (Туркия).

Голлар: Корреа (12), Иммобиле (27-пен.) - Вормер (15), Ванакен (76).

Лацио: Рейна, Ачерби, Худт (Раду, 46), Луис Фелипе, Лаццари, Лейва (Эскаланте, 75), Марушич, Милинкович-Савич, Луис Альберто (Акпа-Акпро, 75), Корреа (Перейра, 86), Иммобиле (Кайседо, 75).

Брюгге: Миньоле, Соболь, Рикка, Мата (ван дер Бремпт, 84), Коссуну, Вормер, де Кетеларе, Диатта (Окереке, 84), Баланта (Ритс, 77), Ланг (Дели, 42), Ванакен.

Четлатиш: Соболь (39, Б.).

«H» ГУРУҲИ

8 декабрь (сешанба)

РБ ЛЕЙПЦИГ - МЮ - 3:2 (2:0)

Бош ҳакам: Матеу Лаос (Испания).

Голлар: Анхелиньо (2), Ҳайдара (13), Клюверт (69) - Фернандеш (80-пен.), Погба (83).

РБ Лейпциг: Гулачи, Анхелиньо (Хальстенберг, 87), Орбан, Мукиеле, Конате, Айдара, Кампль (Адамс, 75), Ольмо (Клюйверт, 56), Забитцер, Форсберг (Поульсен, 56), Нкунку.

МЮ: Де Хеа, Линделеф (Туанзебе, 78), Шоу (Уильямс, 61), Магуайр, Теллес (ван де Бек, 46), Бруну Фернандеш, Мактомини, Матич (Погба, 61), Уан-Биссака (Фосу-Менса, 77), Рэшфорд, Гринвуд.

ПСЖ - Истанбул

«G» ГУРУҲИ

8 декабрь (сешанба)

БАРСЕЛОНА - ЮВЕНТУС - 0:3 (0:2)

Бош ҳакам: Тобиас Штилер (Германия).

Голлар: Роналду (13-пен., 52-пен.), Маккенни (20).

Барселона: тер Штеген, Дест, Альба (Фирпо, 55), Араухо (Мингеса, 82), Лангле (Умтити, 55), де Йонг, Пьянич, Тринкау (Брэйтуэйт, 46), Педри (Пуч, 66), Гризманн, Месси.

Ювентус: Буффон, де Лигт, Данило, Бонуччи, Алекс Сандро, Маккенни, Куадрадо (Бернардески, 85), Артур (Бентанкур, 71), Рэмзи (Рабьо, 71), Мората (Дибала, 85), Роналду (Кьеза, 90).

ДИНАМО К. - ФЕРЕНЦВАРОШ - 1:0 (0:0)

Бош ҳакам: Андреас Экберг (Швеция).

Гол: Попов (60).

Динамо К.: Бушан, Миколенко, Попов, Забарний, Кендзера, Циганков (Леднев, 86), Шапаренко, де Пена (Супряга, 70), Сидорчук (Андриевский, 90), Вербич (Родригеш, 86), Гармаш (Шепелев, 70).

Ференцварош: Дибус, Двали, Блажич, Ловренчич (Ботка, 80), Хайстер, Зубков (Мак, 80), Харатин (Изаэл, 74), Нген (Боли, 86), Лаидуни, Узуни (Батурина, 73), Сомалиа.

БАВАРИЯ - ЛОКОМОТИВ, ЗАЛЬЦБУРГ - АТЛЕТИКО, ИНТЕР - ШАХТЁР, РЕАЛ - БОРУССИЯ М., ОЛИМПИАКОС - ПОРТУ, МАНЧЕСТЕР СИТИ - МАРСЕЛЬ, МИДТЬЮЛЛАНД - ЛИВЕРПУЛЬ ва АЯКС - АТАЛАНТА учрашувлари бугун кечқурун бўлиб ўтди.