Гранд клубларнинг асосий таркибидан жой олиш ҳамиша ҳам осон кечавермайди. Номдор жамоалар иқтидорли футболчиларни сотиб олсаларда, ҳар доим ҳам улардан унумли фойдалана олишмайди.
Баъзи холларда футболчилар мураббийлар ёки раҳбарлар билан чиқиша олишмайди ва таркибдаги ўринларини йўқотадилар. Натижада ушбу футболчиларнинг трансфер бозоридаги нархлари тушиб кетади. Уларни олган нархида сота олмашига кўзи етган клублар ижарага беришни маъқул кўришади.
«Реал» таркбида ҳам бундай футболчилар талайгина. Мисол учун «Арсенал»да ижарада ўйнаётган Дани Себальос бир пайтлари анча қиммат нархги харид қилинган. Аммо у мадридликлар сафида ўз ўйинини топа олмади. Натижада лондонликлар уни ижарага олишди. Ҳозирда Себальос «Реал» ижарага берган футболчилар орасида энг қимматидир. Унинг трансфери 28,8 миллион фунт стерлингга баҳоланмоқда. «Вильярреал»да ижарада ўйнаётган ёш иқтидор эгаси Такефуса Кубо эса 27 миллионга баҳоланган. Бир пайтлари трансфер рекордини ўрнатган Гарет Бэйл ўзи учун қадрдон бўлган «Тоттенхэм»да ўйнамоқда. Унинг бугунги кунда бозордаги баҳоси 18 миллион фунт стерлинг атрофида.