УЕФАнинг собиқ президенти ва 3 карра «Олтин тўп» соҳиби Мишел Платини Италия чемпионатида «Интер» билан ўйин олдидан  «Ювентус» клубининг асосий юлдузлари ҳақидаги фикрлари билан ўртоқлашди.

«Криштиану Роналду - етакчи, худди 80 йилларда  “Ювентус”даги мен каби. Лионел Мессига қараганда ким яхшироқ? Бу иккита бутунлай бошқача ҳодиса. Сўнгги 15 йил ичида жаҳон футболидаги иккита муҳим ўйинчи. Пауло Дибаланинг ўйинини томоша қилишни яхши кўраман. Кучли. У Марадона, Омар Сивори, Неймар каби футболчилар тоифасидан. Унинг истеъдоди бироз камроқ бўлиши мумкин, аммо кўриб чиқайлик. Дибала Роналду ёки Месси эмас. «Ювентус» - «Интер» ўйини қандай якунланади? Менимча 1: 0, Роналду гол уради. Бу албатта ҳаяжонли учрашув бўлади. Чемпионлик учун курашда “Милан”ни кузатишга арзийди. Улар ҳар доим натижаларга эришадилар, олдинда борадилар ва тўхтамайдилар», - дея Платинининг сўзларини келтиради La Gazzetta dello Sport.

Эслатиб ўтамиз, Италия чемпионатининг 18-туридан ўрин олган «Интер» - «Ювентус» учрашуви 17 январь, якшанба куни, Тошкент вақти билан соат 00:45 да бошланади.