Хабарингиз бор, куни кеча “Насаф” раҳбарияти Қашқадарё вилояти ҳокими Зойир Мирзаев қабулида бўлишди. Учрашув тафсилотлари ҳақида жамоа бош директори Сергей Кучеренко қуйидагиларни айтиб ўтди.

«Кеча клубимиз раҳбарияти, жамоамиз бош мураббийи Рўзиқул Бердиев ва бош ҳомийимиз “Шўртангаз кимё мажмуаси» директори Шуҳрат Асланов билан биргаликда Қашқадарё вилояти ҳокими Зойир Мирзаев қабулида бўлдик. Юқори даражада ташкил қилинган учрашувда вилоят раҳбарлари, Ўзбекистон футбол ассоциацияси вакили Раҳмиддин Зикрияев, вилоят спорт қўмитаси, вилоят футбол ассоциацияси раҳбарияти ҳам қатнашди. Йиғилишда «Насаф» футбол клубида йиғилиб қолган молиявий муаммолар ҳамда жамоа келажаги кенг муҳокама қилинди. Зоир Тоирович клубдаги  муаммоларни ҳал қилишда амалий ёрдам беришини таъкидлаб ўтди. Жамоамизнинг тақдирига бефарқ бўлмагани учун вилоят раҳбариятига  ҳамда ҳар қандай вазиятда ҳам севимли жамоаларини қўллаб-қувватлаб турган содиқ мухлисларига ўз миннатдорчилигимни билдириб ўтаман» — дейди Сергей Кучеренко.