FiveThirtyEight статистика тизими асосида ишлайдиган суперкомпьютер «Барселона»нинг ЕЧЛ чорак финалига чиқиш имкония­тини атиги 5 фоизга баҳолади.
Чунончи, каталонияликлар 1/8 финалнинг илк ўйинида «ПСЖ»га 1:4 ҳисобида ютқазишди, боз устига, ўз майдонларида. Шундай экан, улар кейинги раундга чиқиш учун Парижда камида 4та гол урган ҳолда 3та тўп фарқи билан ғалаба қозонишлари керак - 4:0, 5:2, 6:3... Суперкомпьютернинг бошқа тахминлари ҳам бор:

- «Барселона» сафарда ғалаба қозонади, аммо кейинги босқичга чиқолмайди - 42 фоиз;

- «ПСЖ» ғалаба қозонади - 35 фоиз;

- Дуранг қайд этилади - 23 фоиз.

FiveThirtyEight тизими шунингдек, «Барса»нинг ярим финалга чиқиш имкониятини 3 фоизга баҳоламоқда, финалга чиқиши 2 фоиз, турнир ғолибига айланиши эса 1 фоизга тенг. Ўз ўрнида эслатма, «Барса» мавсум-2016|2017да «ПСЖ»ни 6:1 ҳисобида енгиб, «суперкамбэк» қайд этиб, компьютер башоратини пучга чиқарганди. Ўшанда суперкомпьютер Каталония клубининг кейинги босқичга ўтиш имкониятини атиги 7 фоизга баҳолаганди.