Япониялик тиниб-тинчимас Кейсуке Хонданинг фаолиятида сайру-саёҳат давом этмоқда. У яқинда Бокунинг «Нефт­чи» клуби билан шартнома тузди. Муддат - 6 ой. Асосий факт битта - Озарбайжон жаҳонгашта япон учун фаолиятидаги 10-мамлакат (!). Ҳа, Кейсуке бунга қадар нақ 9та мамлакатда ўйнаб (ишлаб) кўрганди. У бормаган қитъанинг ўзи қолмади, ҳисоб - Осиё, Европа, Жанубий ва Шимолий Америка, Австралия...

**Хонда ҳозир 34 ёшда. У турли мамлакатларда ўйнаш баробарида Камбоджа терма жамоасини бошқаришга ҳам улгурди. «Нефтчи» «қаримас» япон фаолиятидаги 10-клуб ҳисобланади. Хонда аслида февраль ойида Португалиянинг

«Портимоненше» клуби билан шартнома тузганди. Бироқ мавсум якунигача мўлжалланган келишув атиги бир неча кундан кейин бекор қилинди. Сабаб - жамоа эркин агент мақомидаги футболчини рўйхатга киритиш қоидасини бузгани. Оддий айтганда, Португалия лигаси муддат ўтиб кетгани учун япониялик фахрийни рўйхатга олгани йўқ.

**Хонда 2017 йилдан кейин, яъни «Милан» билан хайрлашганидан буён нақ 6та жамоа кўрди. У охирги марта расмий ўйинда 2020 йилнинг декабрь ойида майдонга тушганди.