U-21 ТОИФАСИДАГИ ЕВРОПА ЧЕМПИОНАТИДА ПОРЛАШИ КУТИЛАЁТГАН ЁШЛАР. «Кўҳна қитъа»да 21 ёшгача бўлган футболчилар ўртасидаги навбатдаги чемпионат икки босқичга бўлинган. Биринчиси - гуруҳ раунди 25 март куни бошланди, бунда ҳар бир жамоа 3тадан ўйин ўтказади. «Плей-офф» босқичи эса, 31 май - 6 июнь кунларига белгиланган. Ёшлар ўртасидаги Европа чемпионати - янги иқтидорлар учун катта саҳна. Жорий чемпионатнинг баъзи иштирокчилари ҳозирнинг ўзида кўпчилик назарига тушган, яна топ-клублар рўйхатига ҳам.
ФРАНЦИЯ U-21 ТЕРМАСИ
Бу йигит 18 ёшигача 1 млн. евродан кўп тўплашга улгурди, лекин ҳамон она-онаси уйида яшамоқда. Бу унинг дастлабки муваффақиятлардан ҳаволаниб кетмаслигига ёрдам бермоқда.
Эдуардо
КАМАВИНГА («Ренн»)
Шунингдек...
Жюль КУНДЕ («Севилья»). Бу йигит болалигида мағлубият туфайли аччиқланиб, онаси билан муштлашган. Натижада Жюлнинг руҳий шифокор олдига боришига тўғри келган.
Бубакар КАМАРА («Марсель»). Бу йигит севимли клубидаги барқарор ўйин ортидан «Челси» таклифини рад этди.
Уссам АУАР («Лион»). Бу йигит «Лион» сафидаги 150-ўйини баҳона жамоа президенти Жан-Мишель Ольяс томонидан совға қилинган BMW автомобилидан бош тортди. Чунки Уссам дабдабани хушламайди.
Амин ГУИРИ («Ницца»). Бу йигит онасининг маслаҳати билан «Лион»дан «Ницца»га ўтди. Айтишларича, у ўғлининг «тўқувчилар» сафидаги фаолиятида ёрқин истиқболни кўрмаган.
АНГЛИЯ U-21 ТЕРМАСИ
Бу йигит Англия миллий жамоаси тарихидаги энг ёш дебютант ҳисобланади. У илк учрашувни 18 ёшу 135 кунлигида нишонлади.
Каллум ХАДСОН-ОДОИ («Челси»)
Шунингдек...
Макс ААРОНС («Норвич»). Бу йигит ота-онасига айтмасдан «Норвич» кўригига борган. Мана, 7 йилдан ошдики, шу клубда ўйнамоқда.
Эдди НКЕТИА («Арсенал»). Бу йигит Арсен Венгер «Арсенал»да иш бошлаганидан кейин туғилганлар орасида франциялик мураббий томонидан жамоага жалб қилинган биринчи футболчидир.
ПОРТУГАЛИЯ U-21 ТЕРМАСИ
Бу йигит «Спортинг»даги дебют мавсумидаёқ Португалия чемпионати тўпурарлар рўйхатида етакчилик қилмоқда.
Педру ГОНСАЛВЕШ («Спортинг»)
Шунингдек...
Франсишку КОНСЕЙСАУ («Порту»). Бу йигит илк интервьюларидан бирида «Спортинг»дан нафратланишини яширмади, ваҳоланки, болалигида шу клуб академиясида таҳсил олган.
ГЕРМАНИЯ U-21 ТЕРМАСИ
Бу йигит 14 ёшида Nike билан қиймати 10 млн. долларга тенг шартнома тузди.
Юсуф
МУКОКО («Боруссия» Д.)
ИТАЛИЯ U-21 ТЕРМАСИ
Бу йигит 20 ёшида «Милан»нинг асосий таркибида ўйнамоқда ва «Янги Пирло» мақомини олди.
Сандро ТОНАЛИ («Милан»)
ИСПАНИЯ U-21 ТЕРМАСИ
Бу йигит Карлес Пуйолни ўз кумири сифатида таърифлайди ва ҳаттоки, соч турмагини ҳам собиқ ҳимоячиникига ўхшатишга ҳаракат қилади.
Марк
КУКУРЕЛЬЯ («Хетафе»)
Шунингдек...
Рикки ПУЧ («Барселона»). Бу йигит яқинда Роналд Кумандан қаттиқ танбеҳ эшитди. Нидерландиялик мутахассис уни бутун жамоа олдида кийиниш хонасидаги гапларни ташқарига олиб чиқаётганликда айблади.
Гонсало ВИЛЬЯР («Рома»). Бу йигит Франческо Тоттининг биргина қўнғироғидан кейин «Эльче»дан тўғри «Рома»га йўл олди.
НИДЕРЛАНДИЯ U-21 ТЕРМАСИ
Бу йигит январда «Ливерпуль» сафини тўлдиришга яқин келди. Ҳар ҳолда, Canal} унинг «қизиллар» сафида ўйнаши деярли аниқ бўлгани ҳақида хабар тарқатди.
Свен БОТМАН («Лилль»)
Шунингдек...
Ноа ЛАНГ («Брюгге»). Бу йигит 20 ёшида «Аякс»даги дебют ўйинини «хет-трик» билан безаганди.
РУМИНИЯ U-21 ТЕРМАСИ
Бу йигит «Ювентус»да Криштиану Роналду билан бирга ишлаш мақсадида «Челси»га ўтишни хоҳламади ва «А» серияда ҳозирча португалиялик ёнида атиги 1 дақиқа ўйнади.
Раду
ДРАГУШИН («Ювентус»)
ХОРВАТИЯ U-21 ТЕРМАСИ
Бу йигит 19 ёшида жонажон клуби «Хайдук»да сардорлик боғичини қўлига олди. У Хорватияда яна 1 йил қолмоқчи эди, аммо клуб раҳбарияти трансферини тезлаштирди.
Домогой БРАДАРИЧ («Лилль»)
ИСЛАНДИЯ U-21 ТЕРМАСИ
Бу йигит «МЮ»да ўйнаш орзусида ва аллақачон Оле-Гуннар Сульшер билан ҳаммасини гаплашиб қўйган.
Исак БЕРГМАНН («Норчёпинг»)
М.ПЎЛАТОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20