Европа минтақасидаги ЖЧ-2022 саралаш босқичидан ўрин олган Сербия ва Португалия миллий жамоаларининг ўзаро учрашуви бирданига қатор воқеликлар ортидан тилларда достон бўлди. Энг асосий факт ва ёрқин воқелик португаллар етакчиси Криштиану Роналду билан боғлиқ, албатта.
***УЕФА ўз байроғи остидаги саралаш ўйинларида VAR тизими ёрдамига эҳтиёж сезмади ва бунинг ортидан ҳакамликка доир бир неча қўпол хатоликлар кузатилди. Жумладан, Сербия - Португалия учрашувида техник воситанинг йўқлиги мезбонларга жуда қўл келиб, улар дуранг натижани сақлаб қолишди. Бинобарин, ҳакам 90}3-дақиқада Криштиану Роналду урган соф голни инобатга олмади. Оқибатда 36 ёшли ҳужумчи аччиқланганидан қўлидаги сардорлик боғичини майсага улоқтириб, финал ҳуштаги янграшидан олдин майдондан чиқиб кетди.
***Криштиану Роналду учрашувдан сўнг шу хатти-ҳаракати туфайли умуртқа мушак атрофиясидан азият чекаётган 6 ойлик чақалоқ - Гаврил Журжевич ҳаётини сақлаб қолишга ёрдам бериши мумкинлигини билгач, анча тинчланган бўлса, ажабмас.
***Учрашувда навбатчилик қилган маҳаллий ўт ўчирувчилар гуруҳи вакили Жорже Вукичевич якунда Роналду улоқтирган боғични олиб қўйди. Табиийки, у нақадар қимматбаҳо эсдалик буюмига эга бўлганини хаёлига ҳам келтирмаганди. Кейин миясига бир ажойиб ғоя келди - CR7 белгиси бор боғич билан суратга тушдию, уни хайрия аукционига жўнатди. Вукичевич бунда савдодан тушган маблағни Гаврил Журжевичнинг даволаш харажатини қоплашга йўналтиришини ҳам қўшиб қўйди. Маълум қилинишича, унинг ота-онасига 2,5 миллион евро керак экан. Улар бунга қадар хайрия йўли билан атиги 500 минг евро йиғишганди.
***Диққат қилинг, Роналдунинг сардорлик боғичи Limundo сайти аукционида 7,5 миллион динор (чамаси 64 минг евро)га сотилди.
***Ташкилотчиларнинг айтишларича, савдо давомида боғичнинг баҳоси 10,8 миллион еврога кўтарилган. Бироқ текширувлардан кейин номаълум харидорнинг шунча тўлай олмаслиги аниқланган.
***Савдо 3 кун давом этди ва якунда MozzartBet никли харидор рақибларини 10 динорга ортда қолдирди.
Сўз
- Гуруҳимиздаги барча йигитлар билан маслаҳатлашиб, Роналду боғичи воситасида жажжи Гаврилга ёрдам беришга қарор қилдик. Жорже Вукичевич.
- Тўғриси, ўғлимизга ёрдам бериш учун шундай хайрли ишга қўл урадиган кишилар борлигига ишонолмаяпман. Улар бизни ҳаттоки, танимайдилар... Гаврил Журжевичнинг онаси.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20