«Барcелона» ҳужумчиси Лионел Месси жамоасининг Испания кубоги финалидаги ғалабаси ҳақида фикр билдирди. Эслатиб ўтамиз, «Барселона» турнирнинг ҳал қилувчи учрашувида «Атлетик» ни мағлубиятга учратди. Учрашув Севилядаги «Олимпико де Севилла - Ла Cартужа» стадионида бўлиб ўтди ва 4: 0 ҳисобида каталонияликлар ғалабаси билан якунланди. Ушбу учрашувда Месси иккита гол муаллифига айланди.

“Кубокни кўтариш ёқимли. Бу жуда бахтли кун. Мен учун ушбу клуб сардори бўлиш жуда муҳим. Бу махсус кубок. Аммо ғалабани мухлисларимиз билан нишонлай олмаслигимиз ачинарли. Бу каби тарихий учрашувлар ҳар доим алоҳида воқеа, одамлар буни яхши кўришади. Йилнинг биринчи ярмида ўйинимиз унча ўхшамади ва кераксиз вазиятларда очко йўқотдик. Кейин биз кучли бўлдик ва жангга киришдик. Афсуски, биз «эл-класико» да яхши натижага эриша олмадик, - дея Мессининг сўзларини келтирмоқда Марcа.

Маълумот учун, «Барcелона» ўз тарихидаги 31-Испания кубогини қўлга киритди. Бу мусобақадаги рекорд кўрсаткич. Кейинги ўринда 23 та соврин билан «Атлетик» бормоқда.